金边美国大学学生蝉联柬埔寨机器人竞赛冠军

និស្សិត AUPP ទទួលបានជ័យលាភីលេខ១ ជាប់ៗគ្នា ក្នុងការប្រកួតប្រជែងរ៉ូបូទិចកម្ពុជា២០២៦  និស្សិត AUPP ចំនួន ៣រូប ទទួលបាន ជ័យលាភីលេខ១ ក្នុងវិញ្ញាសា Future Engineers នៃការប្រកួតប្រជែងរ៉ូបូទិចកម្ពុជា (CRO) 2026 ដែលជាការឈ្នះជ័យលាភីលេខ១ ជាលើកទី២ជាប់គ្នារបស់និស្សិត AUPP ក្នុងវិញ្ញាសានេះ។  ក្រុមជ័យលាភីរួមមាន ពន្លក ពនិតា, តាំង មុយលាង និង លុយ គីមជួ ជានិស្សិតមកពី មហាវិទ្យាល័យបច្ចេកវិទ្យាឌីជីថល នៃ AUPP។ការប្រកួតប្រជែងរ៉ូបូទិចកម្ពុជា គឺជាការប្រកួតប្រជែងថ្នាក់ជាតិ ដែលផ្តល់ឱកាសដល់សិស្ស-និស្សិតក្នុងការអនុវត្តចំណេះដឹង និងអភិវឌ្ឍជំនាញផ្នែករ៉ូបូទិច វិស្វកម្ម កម្មវិធីកុំព្យូទ័រ ការច្នៃប្រឌិត និងការដោះស្រាយបញ្ហា។  តាមរយៈជ័យលាភីនេះ ក្រុមនិស្សិត AUPP ទទួលបានឱកាស តំណាងកម្ពុជាចូលរួមការប្រកួតជុំអន្តរជាតិនៅប្រទេសព័រតូរីកូ នៅខែធ្នូ ឆ្នាំ២០២៦។ AUPP សូមអបអរសាទរ និងសូមជូនពរឱ្យក្រុមទទួលបានជោគជ័យបន្ថែមទៀតក្នុងការត្រៀមខ្លួនទៅប្រកួតលើឆាកអន្តរជាតិ។