德崇国际机场警察局召开工作会议部署安保

នារសៀលថ្ងៃព្រហស្បតិ៍ ៦កើត ខែភទ្របទ ឆ្នាំមមី អដ្ឋស័ក ព.ស២៥៧០ ត្រូវនឹងថ្ងៃទី១៧ ខែកញ្ញា ឆ្នាំ២០២៦នេះ លោកឧត្តមសេនីយ៍ត្រី សុខ ធា នាយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិតេជោ បានអញ្ជើញដឹកនាំកិច្ចប្រជុំជាមួយផ្នែកសេនាធិការ នៃប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិតេជោ ដោយមានការចូលរួមពីលោកនាយរងប៉ុស្តិ៍ នាយផ្នែក នាយរងផ្នែក និងមន្ត្រីពាក់ព័ន្ធមួយចំនួនផងដែរ។ លោកឧត្តមសេនីយ៍ត្រី សុខ ធា នាយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិតេជោ បានកោតសរសើរដល់កងកម្លាំងដែលបម្រើការងារនៅផ្នែកសេនាធិការ នៃប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិតេជោ ដែលបានយកចិត្តទុកដាក់បំពេញការងារបានយ៉ាងល្អ និងទទួលបានលទ្ធផលល្អប្រសើរនាពេលកន្លងមក។ លោកឧត្តមសេនីយ៍ត្រី សុខ ធា បានស្តាប់របាយការណ៍សង្ខេបអំពីលទ្ធផលការងារកន្លងមក ព្រមទាំងបានពិភាក្សា និងដោះស្រាយរាល់បញ្ហាប្រឈម និងសំណូមពរដែលកើតមានឡើងក្នុងអង្គភាព។ លោកឧត្តមសេនីយ៍ត្រី សុខ ធា មានប្រសាសន៍ថា គោលបំណងសំខាន់នៃកិច្ចប្រជុំនេះ គឺដើម្បីពិនិត្យប្រមូលផ្តុំ និងវាយតម្លៃលើសភាពការណ៍សន្តិសុខ សណ្តាប់ធ្នាប់សាធារណៈ និងសុវត្ថិភាពនៅតាមច្រកទ្វារអាកាសយានដ្ឋានអន្តរជាតិតេជោ ដើម្បីធានាឱ្យការគ្រប់គ្រងការចេញ-ចូលប្រព្រឹត្តទៅដោយរលូន និងមានប្រសិទ្ធភាពខ្ពស់។ ព្រមទាំងបន្តដាក់ចេញនូវផែនការសកម្មភាព និងទិសដៅការងារឱ្យបានច្បាស់លាស់ ព្រមទាំងបែងចែកភារកិច្ចជូនផ្នែកសេនាធិការ នាយរងប៉ុស្តិ៍ នាយផ្នែក នាយរងផ្នែក និងមន្ត្រីពាក់ព័ន្ធ ដើម្បីអនុវត្តតាមជំនាញ និងភារកិច្ចរៀងៗខ្លួន។ ជាមួយគ្នានេះ បន្តពង្រឹងរបៀបរបបការងារ សាមគ្គីភាពផ្ទៃក្នុង និងវិន័យកងកម្លាំង សំដៅធានាឱ្យការអនុវត្តការងារឆ្លើយតបបានទាន់ពេលវេលា និងមានប្រសិទ្ធភាព៕ ✅ប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិតេជោ ☎️ទំនាក់ទំនង 0188200300 👉Telegram Chanel : https://t.me/kticheckpoint 🗺 ទីតាំង (Map) : https://maps.app.goo.gl/HWxU68PC8A1wvTsR7?g_st=ipc