劳工部代表出席参议员葬礼 表达深切哀悼

គណៈប្រតិភូក្រសួង អញ្ជើញគោរពវិញ្ញាណក្ខន្ធសព ឯកឧត្តម ទឹម ផន សមាជិកព្រឹទ្ធសភា ត្រូវជាឪពុកក្មេករបស់ ឯកឧត្តម យក់ ប៊ុនណា (ភ្នំពេញ)៖ នារសៀលថ្ងៃទី១៦ ខែសីហា ឆ្នាំ២០២៦ ឯកឧត្តម ហួត ស៊ីនាដ រដ្ឋលេខាធិការ តំណាងដ៏ខ្ពង់ខ្ពស់​ ឯកឧត្ដម ហេង សួរ រដ្ឋមន្ត្រីក្រសួងការងារនិងបណ្ដុះបណ្ដាលវិជ្ជាជីវៈ បានដឹកនាំគណៈប្រតិភូក្រសួង អញ្ជើញគោរពវិញ្ញាណក្ខន្ធសព ឯកឧត្តម ទឹម ផន សមាជិកព្រឹទ្ធសភា និងជាលេខាធិការគណៈកម្មការសាធារណការ ដឹកជញ្ជូន អាកាសចរណ៍ស៊ីវិល ប្រៃសណីយ៍ ទូរគមនាគមន៍ ឧស្សាហកម្ម វិទ្យាសាស្ត្រ បច្ចេកវិទ្យា នវានុវត្តន៍ រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់ នៃព្រឹទ្ធសភា (គណៈកម្មការទី៩)  ត្រូវជាឪពុកក្មេករបស់ ឯកឧត្តម យក់ ប៊ុនណា រដ្ឋលេខាធិការប្រចាំការ នៃក្រសួងមុខងារសាធារណៈ ដែលបានទទួលមរណភាព នៅ​ថៃ្ងទី១៤ ខែសីហា ឆ្នាំ២០២៦ ​ក្នុងជន្មាយុ ៧៦ឆ្នាំ ដោយរោគាពាធ។  ឯកឧត្តម​រដ្ឋលេខាធិការ បានចាត់ទុកមរណភាពរបស់ឯកឧត្តម ទឹម ផន គឺជាការបាត់បង់នូវស្វាមី ឪពុកបង្កើត ឪពុកក្មេក និងជីតា ទីគោរពស្រឡាញ់ដ៏ជ្រាលជ្រៅ ដែលកន្លងមកបានខិតខំប្រឹងប្រែងបីបាច់ថែរក្សា ហ្វឹកហ្វឺន និងអប់រំទូន្មានកូនចៅ ប្រកបដោយព្រហ្មវិហារធម៌ដ៏ឧត្តុង្គឧត្តម ព្រមទាំងជាការបាត់បង់នូវឥស្សរជនឆ្នើមមួយរូប ដែលបានលះបង់កម្លាំងកាយចិត្ត ក្នុងការបម្រើ ជាតិ សាសនា ព្រះមហាក្សត្រ។ ​ក្នុងឱកាសប្រកបដោយសេចក្តីខ្សឹកខ្សួលរំជួលចិត្តដ៏មហាក្រៀមក្រំនេះ ឯកឧត្ដម​ ហួត ស៊ីនាដ ព្រមទាំងថ្នាក់ដឹកនាំ និងមន្ត្រីរាជការនៃក្រសួងការងារនិងបណ្តុះបណ្តាលវិជ្ជាជីវៈ សូមសម្តែងនូវសមានទុក្ខប្រកបដោយអនិច្ចលក្ខណធម៌ ដ៏មហាជ្រាលជ្រៅ ព្រមទាំងក្តីសង្វេគដ៏មហាធំធេង និងពោរពេញដោយក្តីសោកស្តាយស្រណោះអាឡោះអាល័យជាអនេកប្បការជាមួយ ឯកឧត្តម និងលោកជំទាវ ព្រមទាំងក្រុមគ្រួសារនៃសព និងសូមឧទ្ទិសបួងសួងដល់ដួងវិញ្ញាណក្ខន្ធរបស់ ឯកឧត្តម ទឹម ផន សូមឆាប់បានយោនយកកំណើតក្នុងសុគតិភពកុំបីឃ្លៀងឃ្លាតឡើយ៕ #MLVT #HENGSour