布拉索昆率团赴海牙处理柬泰海域争端调解事宜

ប្រមុខការទូតនាំលក្ខខណ្ឌ៣  ចេញទៅចូលរួមកិច្ចប្រជុំលើកទី២ នៃគណៈកម្មការផ្សះផ្សា ដើម្បីដោះស្រាយវិវាទដែនសមុទ្រកម្ពុជាថៃ នៅល្ងាចថ្ងៃទី១១ ខែតុលា ឆ្នាំ២០២៦ ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ ក្នុងនាមជាភ្នាក់ងាររបស់រាជរដ្ឋាភិបាលកម្ពុជា បានអញ្ជើញដឹកនាំគណៈប្រតិភូមន្ត្រីជំនាញច្បាប់ ចូលរួមកិច្ចប្រជុំលើកទី២ នៃគណៈកម្មការផ្សះផ្សានៃអនុសញ្ញាអង្គការសហប្រជាជាតិស្តីពីនីតិសមុទ្រ រវាងកម្ពុជា និងថៃ ដែលនឹងប្រព្រឹត្តទៅពីថ្ងៃទី១៤ ដល់ថ្ងៃទី១៨ ខែតុលា ឆ្នាំ២០២៦ នៅទីក្រុងឡាអេ ប្រទេសហូឡង់។ មុនកិច្ចប្រជុំលើកទី២មកដល់ រាជរដ្ឋាភិបាលកម្ពុជា តាមរយៈក្រសួងការបរទេស បានបញ្ជាក់ជាថ្មីម្ដងទៀតអំពីលក្ខខណ្ឌចំនួន៣ ដើម្បីដោះស្រាយវិវាទដែនសមុទ្រជាមួយថៃ ដូចជាការបង្កើតសន្ធិសញ្ញារួមគ្នាលើព្រំដែនសមុទ្រ ការបង្កើតកិច្ចព្រមព្រៀងអភិវឌ្ឍន៍រួមគ្នា និងការសម្រេចអនុសាសន៍ពីគណៈកម្មការផ្សះផ្សា។ លក្ខខណ្ឌទាំង៣ នេះ គឺឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងជាភ្នាក់ងាររបស់រាជរដ្ឋាភិបាលកម្ពុជា ធ្លាប់បានដាក់ និងប្រកាសជាសាធារណៈ ក្នុងពិធីបើកកិច្ចប្រជុំលើកទី១ នៃគណៈកម្មការផ្សះផ្សា កាលពីព្រឹកថ្ងៃទី១៥ ខែកញ្ញា កន្លងទៅរួចមកហើយ។