柬埔寨公务员职能部在磅湛省推行绩效评估改革

[ក្រសួងមុខងារសាធារណៈ បន្តយុទ្ធនាការផ្សព្វផ្សាយស្តីពី «ការវាយតម្លៃសមិទ្ធកម្មការងាររបស់មន្ត្រីផ្អែកលើកិច្ចព្រមព្រៀងការងារ» សម្រាប់វិស័យអប់រំ និងសុខាភិបាល នៅរដ្ឋបាលខេត្តកំពង់ចាម ដែលជាគោលដៅទី៣](https://m.facebook.com/story.php?story_fbid=pfbid0k9WLkNtHYHGB4p5EmhCSVeJrzJqDHAe8qFfPCs4ishA23sv92L5utarcDH6EkXHzl&id=61552764801080) ខេត្តកំពង់ចាម៖ បន្ទាប់ពីបានរៀបចំឡើងដោយជោគជ័យនៅតាមបណ្តាខេត្តគោលដៅមុនៗរួចមក ក្រសួងមុខងារសាធារណៈ បានជ្រើសរើសរដ្ឋបាលខេត្តកំពង់ចាម ជាទីតាំងទី៣ ក្នុងការបន្តរៀបចំសិក្ខាសាលាផ្សព្វផ្សាយស្តីពី «ការវាយតម្លៃសមិទ្ធកម្មការងាររបស់មន្ត្រីផ្អែកលើកិច្ចព្រមព្រៀងការងារ» សម្រាប់វិស័យអប់រំ និងសុខាភិបាល នៅរដ្ឋបាលថ្នាក់ក្រោមជាតិ។ សិក្ខាសាលានេះ បានប្រព្រឹត្តទៅពេញមួយថ្ងៃ នាថ្ងៃទី០៤ ខែកញ្ញា ឆ្នាំ២០២៦ នេះ នៅសាលាខេត្តកំពង់ចាម ក្រោមអធិបតីភាព ឯកឧត្តម គង់ សុភី រដ្ឋលេខាធិការក្រសួងមុខងារសាធារណៈ និងជាប្រធានក្រុមការងារបច្ចេកទេសកែលម្អប្រព័ន្ធជ្រើសរើសមន្រ្តីនៃគណៈកម្មាធិការជាតិកែទម្រង់រដ្ឋបាលសាធារណៈ (គ.វ.រ.) តំណាងដ៏ខ្ពង់ខ្ពស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ។ នៅក្នុងឱកាសនេះ ឯកឧត្តមរដ្ឋលេខាធិការ បាននាំនូវការណែនាំដ៏ខ្ពង់ខ្ពស់របស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងបានគូសបញ្ជាក់ពីទស្សនាទាន និងការអនុវត្តវិធានការគន្លឹះទាំង៣ ក្នុងការកំណែទម្រង់រដ្ឋបាលសាធារណៈរបស់រាជរដ្ឋាភិបាល ដើម្បីធ្វើទំនើបកម្មរដ្ឋបាលសាធារណៈ ឱ្យកាន់តែមានសមត្ថភាពខ្ពស់ ខ្លាំង វៃឆ្លាត ស្អាតស្អំ និងយកប្រជាជនជាស្នូល ក៏ដូចជាការប្រឡងប្រជែងជ្រើសរើសមន្ត្រីតាមយន្តការរួមថ្នាក់ជាតិ ធានាបាននូវគុណាធិបតេយ្យ តម្លាភាព និងយុត្តិធម៌ ស្របតាមអភិក្រមរបស់ សម្តេចធិបតីនាយករដ្ឋមន្ត្រី គឺ “ជាប់ដោយមោទនៈ ធ្លាក់ដោយអស់ចិត្ត” និង “រើសឱ្យចំ បំពេញឱ្យត្រូវ រក្សាឱ្យនៅ” ព្រមទាំងការផ្ទេរអំណាចគ្រប់គ្រង និងចាត់ចែងមន្ត្រីទាំងស្រុងទៅឱ្យ «ប្រធានអង្គភាពជួរមុខ» (នាយកសាលា ប្រធានមណ្ឌលសុខភាព/មន្ទីរពេទ្យ) ដើម្បីលើកកម្ពស់គុណភាពសេវាសាធារណៈនៅមូលដ្ឋាន។