柬埔寨边境争议仲裁案预计2027年结案 7轮会议定调

**ដំណើរការផ្សះផ្សា និងគ្រោងបញ្ចប់នៅចុងខែឧសភា ឬខែកក្កដា ២០២៧ ដោយឆ្លងកាត់ការប្រជុំសរុបចំនួន ៧ លើកទៀត** ដើម្បីធានាឲ្យដំណើរការនេះប្រព្រឹត្តទៅបានឆាប់រហ័ស និងមានប្រសិទ្ធភាព គណៈកម្មការផ្សះផ្សាបានរៀបចំកាលវិភាគប្រជុំសរុបចំនួន ៧ លើក ដោយកិច្ចប្រជុំលើកទី២ នឹងប្រព្រឹត្តទៅចាប់ពីថ្ងៃទី១៤ ដល់ថ្ងៃទី១៨ ខែតុលា នៅទីក្រុងឡាហេ ប្រទេសហូឡង់។ កិច្ចប្រជុំបន្តបន្ទាប់នឹងត្រូវធ្វើឡើងជាហូរហែរនៅខែវិច្ឆិកា, ចុងខែមករា ឬកុម្ភៈ, ចុងខែមីនា, ខែមេសា, និងបញ្ចប់នៅចុងខែឧសភា ឬខែកក្កដា។ ដើម្បីការពារផលប្រយោជន៍ជាតិឲ្យបានខ្ពង់ខ្ពស់បំផុត រាជរដ្ឋាភិបាលកម្ពុជាបានរៀបចំក្រុមការងារអន្តរក្រសួងកម្រិតរដ្ឋមន្ត្រី រួមមាន រដ្ឋមន្ត្រីក្រសួងការបរទេស (ប្រធានក្រុមការងារ) ក្រសួងយុត្តិធម៌ គណៈកម្មាធិការព្រំដែន និងក្រសួងរ៉ែ និងថាមពល ដោយសហការយ៉ាងជិតស្និទ្ធជាមួយក្រុមមេធាវីអន្តរជាតិដឹកនាំដោយលោក Gavin MacLaren ដើម្បីរៀបចំភស្តុតាង និងទឡ្ហីករណ៍ច្បាប់យ៉ាងហ្មត់ចត់បំផុតសម្រាប់ដំណើរការក្តីនេះ៕