柬埔寨副总理兼公务员部部长洪玛尼于9月19日前往皇家行政学院

ឯកឧត្តមឧបនាយករដ្ឋមន្ត្រី ហ៊ុន ម៉ានី ដឹកនាំពិនិត្យ និងណែនាំនីតិវិធីប្រឡងវិញ្ញាសាសួរផ្ទាល់មាត់ តាំងពីព្រលឹម ទាំងព្រឹកព្រលឹម ថ្ងៃទី១៩ ខែកញ្ញា ឆ្នាំ២០២៦ នេះ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការប្រឡងប្រជែង បានអញ្ជើញមានវត្តមាន នៅមណ្ឌលប្រឡងសាលាភូមិន្ទរដ្ឋបាល ដើម្បីដឹកនាំ ពិនិត្យ និងផ្តល់ការណែនាំផ្ទាល់ដល់អនុគណៈកម្មការមេប្រយោគ អំពីយន្តការ និងនីតិវិធីហ្មត់ចត់នានា ដែលបានកំណត់ ក្នុងដំណើរការប្រឡងប្រជែងជ្រើសរើសមន្ត្រីផ្អែកលើកិច្ចព្រមព្រៀងការងារ ឱ្យចូលបម្រើការងារនៅវិទ្យាស្ថានជាតិស្ថិតិ នៃក្រសួងផែនការ។ ទន្ទឹមនឹងនេះ ក្នុងដំណាក់កាលដ៏សំខាន់ខកខានមិនបាននេះ បេក្ខជនឆ្នើមទាំង ២៦រូប ដែលបានឆ្លងកាត់ការប្រឡងប្រជែងលើវិញ្ញាសាសរសេរលើកទី១ ដោយជោគជ័យ បានធ្វើដំណើរមកដល់មណ្ឌលប្រឡង តាំងពីព្រលឹមមុនម៉ោងកំណត់ ដោយបានរៀបចំខ្លួនយ៉ាងមានសណ្តាប់ធ្នាប់ ព្រមទាំងបង្ហាញពីការត្រៀមខ្លួនរួចជាស្រេច ទាំងស្មារតី ចំណេះដឹង និងទំនុកចិត្តខ្ពស់ ដើម្បីបន្តចូលរួមប្រឡងប្រជែងលើ «វិញ្ញាសាសួរផ្ទាល់មាត់» ដែលចាប់ផ្តើមដំណើរការនៅម៉ោង ៨:០០នាទីព្រឹកនេះ។