柬埔寨主办ISC-2会议 柬马议会领导人金边会晤

[来源: 柬埔寨国家电视台] [分类提示: NEWS] 标题: សម្តេចមហារដ្ឋសភាធិការធិបតី ឃួន សុដារី បានអនុញ្ញាតឲ្យឯកឧត្តមប្រធានរដ្ឋសភាម៉ាឡេស៊ី  ចូលជួបសម្តែងការគួរសម និងពិភាក្សាការងារ នៅវិមានរដ្ឋសភា សម្ដេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា នៅព្រឹកថ្ងៃទី២៦ ខែសីហា ឆ្នាំ២០២៦ បានទទួលជួបពិភាក្សាការងារជាមួយ ឯកឧត្តមបណ្ឌិត តាន់ស្រ៊ី ដាតូ ហ្សូហារី ប៊ីន អាប់ឌុល (Dr. Tan Sri Dato Johari Abdul) ប្រធានរដ្ឋសភានៃប្រទេសម៉ាឡេស៊ី នៅវិមានរដ្ឋសភា ក្នុងឱកាសដែល ឯកឧត្តមប្រធានរដ្ឋសភា អញ្ជើញដឹកនាំគណៈប្រតិភូចូលរួម សន្និសីទប្រធានសភានៃអន្តរសភាលើកទី២ (ISC-2) ដែលកម្ពុជាធ្វើជាម្ចាស់ផ្ទះ។ សម្ដេចរដ្ឋសភាធិបតី ឃួន សុដារី បានសម្តែងនូវសេចក្តីសោមនស្សរីករាយ និងសូមស្វាគមន៍យ៉ាងកក់ក្តៅចំពោះវត្តមាន ឯកឧត្តមបណ្ឌិត តាន់ស្រ៊ី ដាតូ ហ្សូហារី ប៊ីន អាប់ឌុល និងគណៈប្រតិភូដែលបានអញ្ជើញចូលរួមសន្និសីទ ISC-2 នាពេលនេះ ហើយបានឆ្លៀតពេលមកជួបពិភាក្សាការងារជាមួយសម្តេច។ សម្ដេចរដ្ឋសភាធិបតីបានបញ្ជាក់ថា សន្និសីទប្រធានសភានៃអន្តរសភាលើកទី២ ដឹកនាំរៀបចំឡើងដោយសម្ដេចតេជោ ហ៊ុន សែន ប្រធានព្រឹទ្ធសភាកម្ពុជា និងជាស្ថាបនិកមួយរូបរបស់សន្និសីទប្រធានសភានៃអន្តរសភា (ISC) រៀបចំឡើងក្នុងគោលបំណងស្តារទំនុកចិត្ត លើកកម្ពស់សន្តិភាព តាមរយៈការជំរុញនូវវប្បធម៌សន្ទនា ដោយយកប្រជាពលរដ្ឋជាស្នូល។ វត្តមានរបស់គណៈប្រតិភូជាន់ខ្ពស់រដ្ឋសភាម៉ាឡេស៊ីនៅក្នុងសន្និសីទ ISC លើកទី២ នេះ ពិតជាមានសារៈសំខាន់ ដែលមិនត្រឹមតែបង្ហាញពីកិច្ចសហប្រតិបត្តិការដ៏ល្អ ជឿជាក់ ទុកចិត្ត និងយោគយល់គ្នានៃប្រទេសទាំងពីរប្រកបដោយភាពស្និទ្ធស្នាលប៉ុណ្ណោះទេ ថែមទាំងរួមវិភាគទានដ៏មានតម្លៃដល់ភាពជោគជ័យនៃសន្និសីទ ISC លើកទី២ ថែមទៀតផង។ សម្ដេចប្រធានរដ្ឋសភាបានគូសបញ្ជាក់ថា សន្និសីទប្រធានសភានៃអន្តរសភាលើកទី២ គឺជាការជួបជុំគ្នាដ៏ធំជាប្រវត្តិ សាស្ត្រ ដោយមានប្រធា