柬中刑事司法协助条约谈判启动 重点打击网络诈骗

ឯកឧត្តម នាក់ សើគីរីន រដ្ឋលេខាធិការក្រសួងយុត្តិធម៌ បានដឹកនាំកិច្ចប្រជុំចរចាជាមួយភាគីចិន លើសេចក្ដីព្រាងសន្ធិសញ្ញាស្ដីពីការជួយគ្នាទៅវិញទៅមកផ្នែកច្បាប់ក្នុងវិស័យព្រហ្មទណ្ឌ រវាងព្រះរាជាណាចក្រកម្ពុជា និងសាធារណរដ្ឋប្រជាមានិតចិន ===================== ឯកឧត្តម នាក់ សើគីរីន រដ្ឋលេខាធិការក្រសួងយុត្តិធម៌ បានដឹកនាំកិច្ចប្រជុំចរចាជាមួយភាគីចិន លើសេចក្ដីព្រាងសន្ធិសញ្ញាស្ដីពីការជួយគ្នាទៅវិញទៅមកផ្នែកច្បាប់ក្នុងវិស័យព្រហ្មទណ្ឌ រវាងព្រះរាជាណាចក្រកម្ពុជា និងសាធារណរដ្ឋប្រជាមានិតចិន ចាប់ពីថ្ងៃទី៦-៧ ខែកក្កដា ឆ្នាំ២០២៦ នៅរាជធានីភ្នំពេញ។ កិច្ចប្រជុំចរចានេះមានការអញ្ជើញចូលរួមពីតំណាងក្រសួង ស្ថាប័នពាក់ព័ន្ធមួយចំនួននៃប្រទេសទាំងពីរ ដែលក្នុងនោះរួមមាន៖ ក្រសួងការបរទេស និងសហប្រតិបត្តិការអន្តរជាតិ ក្រសួងមហាផ្ទៃ តុលាការនិងមហាអយ្យការអមតុលាការប្រជាជនកំពូល ក្រសួងសន្តិសុខសាធារណៈ ក្រសួងយុត្តិធម៌ និងអយ្យការអមសាលាដំបូងរាជធានីភ្នំពេញ។ ទន្ទឹមនេះ ភាគីទាំងពីរក៏បានចុះហត្ថលេខាលើកំណត់ហេតុនៃកិច្ចប្រជុំចរចាលើសេចក្ដីព្រាងសន្ធិសញ្ញាខាងលើផងដែរ។ គួរបញ្ជាក់ផងដែរថា សន្ធិសញ្ញាស្ដីពីការជួយគ្នាទៅវិញទៅមកផ្នែកច្បាប់ក្នុងវិស័យព្រហ្មទណ្ឌ រវាងព្រះរាជាណាចក្រកម្ពុជា និងសាធារណរដ្ឋប្រជាមានិតចិននេះ នឹងពង្រឹង និងធ្វើឱ្យប្រសើរឡើងនូវកិច្ចសហប្រតិបត្តិការផ្នែកច្បាប់រវាងប្រទេសទាំងពីរ ក៏ដូចជាការរួមចំណែកក្នុងការបង្រ្កាប និងប្រឆាំងនឹងឧក្រិដ្ឋកម្មគ្រប់រូបភាពប្រកបដោយប្រសិទ្ធភាព ជាពិសេសការប្រឆាំងនឹងការរីករាលដាលនៃបទល្មើសឆបោកតាមប្រព័ន្ធបច្ចេកវិទ្យា។