国家就业与人力资源署联合多部门在磅湛省举办残障人士专场招聘会

📣 ឱកាសការងារចំនួន ១១៧ កន្លែង ក្នុងវេទិកាការងាររបស់ទីភ្នាក់ងារជាតិមុខរបរ និងការងារនៅក្នុងទីរួមខេត្តកំពង់ចាម។ 👉 នៅថ្ងៃស្អែកនេះទីភ្នាក់ងារជាតិមុខរបរ និងការងារ (NEA) នៃក្រសួងការងារនិងបណ្តុះបណ្តាលវិជ្ជាជីវៈ សហការជាមួយរដ្ឋបាលសិទ្ធិជនពិការ និងនាយកដ្ឋានសុខមាលភាពជនពិការនៃក្រសួងសង្គមកិច្ច អតីតយុទ្ធជន និងយុវនីតិសម្បទា ក្រោមការគាំទ្រពីអង្គការយូនីសេហ្វប្រចាំនៅកម្ពុជា (UNICEF) រួមទាំងក្រុមហ៊ុនធំៗ ចំនួន០៤ នឹងរៀបចំវេទិកាការងារ ស្តីពី "បរិយាបន្នការងារ៖ ការផ្តល់ឱកាសការងារ និងការរៀបចំហេដ្ឋារចនាសម្ព័ន្ធបង្កលក្ខណៈងាយស្រួល ដល់ជនមានពិការភាពនៅកម្ពុជា" កម្មវិធីនេះមានរួមបញ្ជូល សិក្ខាសាលាបញ្រ្ជាបការយល់ដឹង វេទិកាការងារ និងទស្សនកិច្ចសិក្សា ដែលរៀបចំឡើងក្នុងគោលបំណងបង្កើតឱ្យមានការជួបជុំគ្នានៅមួយកន្លែងសម្រាប់អ្នកស្វែងរកការងារ ជាពិសេសអ្នកដែលមានពិការភាព អាចដាក់ពាក្យ និងសម្ភាសការងារភ្លាមៗ ព្រមទាំងជំរុញ ក្រុមហ៊ុន រោងចក្រ សហគ្រាស ផ្តល់នូវឱកាសការងារ និងយល់ដឹងបន្ថែមពីការរៀបចំហេដ្ឋារចនាសម្ព័ន្ធដែលបង្កលក្ខណៈងាយស្រួល ដល់កម្មករនិយោជិតដែលមានពិការភាព។ វេទិកាការងារនេះធ្វើឡើងចាប់ពីម៉ោង ៨:០០នាទីព្រឹក ដល់ម៉ោង ៥:០០ល្ងាច នៅក្នុងបរិវេណវិទ្យាស្ថានបហុបច្ចេកទេសខេត្តកំពង់ចាម។    👉យុវជន និងអ្នកកំពុងស្វែងរកការងារ ដែលចាប់អារម្មណ៍ចង់ដាក់ពាក្យស្នើសុំការងារជាមួយក្រុមហ៊ុននានា សូមទាក់ទងមក NEA តាមរយៈលេខ ០៨៨ ៩០៩ ៩៦៩៩/ ០១៦ ៦៥៦ ៦៥៥ ឬ គេហទំព័រ www.nea.gov.kh និងទំព័រ Facebook (neakhmer)៕