CDRI与经济部合作启动“应对多重危机综合干预计划”，旨在通

វិទ្យាស្ថានបណ្តុះបណ្តាល និងស្រាវជ្រាវដើម្បីអភិវឌ្ឍន៍កម្ពុជា (CDRI) តំណាងដោយលោកស្រីបណ្ឌិត អេង នេត្រា នាយិកាប្រតិបត្តិ និងសហការី បានអញ្ជើញចូលរួមក្នុង «ពិធីប្រកាសដាក់ឱ្យអនុវត្តជាផ្លូវការនូវ កម្មវិធីអន្តរាគមន៍គ្រប់ជ្រុងជ្រោយ ឆ្លើយតបទៅនឹងសភាពការណ៍ពហុវិបត្តិ» ដែលរៀបចំឡើងដោយក្រសួងសេដ្ឋកិច្ច និងហិរញ្ញវត្ថុ (MEF) កាលពីថ្ងៃទី៤ ខែកញ្ញា នៅសណ្ឋាគារសុខា ភ្នំពេញ។ កិច្ចសហប្រតិបត្តិការដ៏ជិតស្និទ្ធ និងយូរអង្វែងរបស់វិទ្យាស្ថាន CDRI ជាមួយក្រសួងសេដ្ឋកិច្ច និងហិរញ្ញវត្ថុ ព្រមទាំងក្រសួង និងស្ថាប័នពាក់ព័ន្ធផ្សេងទៀត បានធ្វើឱ្យកម្មវិធីស្រាវជ្រាវរបស់វិទ្យាស្ថានស្របទៅតាមអាទិភាពជាតិយ៉ាងជិតស្និទ្ធ ដោយស្ថាប័នទាំងនោះជាដៃគូជួយជំរុញ និងតម្រង់ទិសអាទិភាពនៃការស្រាវជ្រាវរបស់ CDRI។ កម្មវិធីអន្តរាគមន៍នេះ ក៏បានឆ្លុះបញ្ចាំងពីលទ្ធផលនៃការស្រាវជ្រាវនាពេលថ្មីៗនេះរបស់វិទ្យាស្ថាន CDRI ផងដែរ។ ការសិក្សាអំពីពលករចំណាកស្រុកត្រឡប់មកវិញចំនួន ៨៥២ នាក់ បានរកឃើញថា ការគាំទ្រផ្នែកស្ថាប័ន រួមមាន ការបណ្តុះបណ្តាល ការអប់រំ និងកិច្ចគាំពារសង្គម នៅតែជាចំណុចខ្សោយបំផុតក្នុងការស្តារសេដ្ឋកិច្ចឡើងវិញ។ ការវិភាគតាមគំរូម៉ូឌែលសេដ្ឋកិច្ចរបស់វិទ្យាស្ថាន CDRI ស្តីពីផលប៉ះពាល់នៃទីផ្សារថាមពល ក៏បានចង្អុលបង្ហាញថា កិច្ចគាំពារសង្គមដែលឆ្លើយតបទៅនឹងវិបត្តិ (តាមរយៈប័ណ្ណក្រីក្រ IDPoor និងការអន្តរាគមន៍លើពលករត្រឡប់មកវិញ) គឺជាអាទិភាពនយោបាយ។ លទ្ធផលនៃការសិក្សាទាំងនេះ មានទំនាក់ទំនងយ៉ាងជិតស្និទ្ធទៅនឹងប្រធានបទធំៗពីរ ដែលជាអាទិភាពនៃបេសកកម្មស្រាវជ្រាវរបស់វិទ្យាស្ថាន CDRI។ ទីមួយ «ភាពធន់»៖ ការសិក្សាពីរបៀបដែលគ្រួសារ និងសេដ្ឋកិច្ចរងផលប៉ះពាល់ពីវិបត្តិនានា ការរក្សាលំនឹងជីវភាពរស់នៅ ព្រមទាំងការធានាសន្តិសុខស្បៀង និងទិដ្ឋភាពសន្តិសុខផ្សេងទៀត។ ទីពីរ «ការផ្លាស់ប្តូររបស់កម្ពុជាពីប្រទេសដែលមានប្រាក់ចំណូលមធ្យមកម្រិតទាប ទៅជាប្រទេសដែលមានប្រាក់ចំណូលមធ្យមកម្រិតខ្ពស់»៖ ការសិក្សាអំពីការវិវត្តនៃសេដ្ឋកិច្ចកម្ពុជា ដែលទាមទារឱ្យមានកំណែទម្រង់ស៊ីជម្រៅ ដោយមិនត្រឹមតែផ្តោតលើការស្តារសេដ្ឋកិច្ចឡើងវិញប៉ុណ្ណោះទេ ប៉ុន្តែលើការបង្កើនផលិតភាពសេដ្ឋកិច្ច តួយ៉ាង ការលើកកម្ពស់វិស័យកសិកម្ម និងខ្សែច្រវាក់តម្លៃ ការពង្រឹងជំនាញពលកម្ម និងការធ្វើពិពិធកម្មទៅកាន់វិស័យសេដ្ឋកិច្ចដែលមានតម្លៃបន្ថែមខ្ពស់ជាងមុន ដូចជាគ្រឿងបន្លាស់យានយន្តជាដើម។ ប្រធានបទទាំងនេះបានផ្តល់នូវទស្សនវិស័យយ៉ាងច្បាស់លាស់ សម្រាប់កិច្ចពិភាក្សាលើការអភិវឌ្ឍនៅកម្ពុជា ដែលវិទ្យាស្ថាន CDRI មានឧត្តមភាពក្នុងការដឹកនាំ តាមរយៈគុណភាពនៃការស្រាវជ្រាវ និងការឆ្លើយតបស្របទៅនឹងអាទិភាពរបស់រាជរដ្ឋាភិបាល។ CDRI, represented by Executive Director Dr Eng Netra and colleagues, joined the Official Launching Ceremony of the "Comprehensive Intervention Program in Response to the Multi-Crises," hosted by the Ministry of Economy and Finance (MEF), on 4th September at Sokha Phnom Penh Hotel. CDRI's close and long-standing collaboration with MEF and other line ministries keep our research programme closely attuned to national priorities — a partnership that enables and inform CDRI research agenda. The Intervention program echoes findings from our own recent research portfolio. Our study of 852 returnee migrants found institutional— training, education, and social protection — remains the weakest link in recovery. Our GTAP-FIN modelling of energy-market shocks likewise points to shock-responsive social protection, via IDPoor and returnee channels, as a policy priority. Read more here: https://cdri.org.kh/news/building-resilience-advancing-cambodia-s-development-transition Photo Credit: CCC [cdri.org.kh] | Building Resilience, Advancing Cambodia’s Development Transition | CDRI, represented by Executive Director Dr. Eng Netra and colleagues, joined the Official Launching Ceremony of the "Comprehensive Intervention Progra ... | https://cdri.org.kh/news/building-resilience-advancing-cambodia-s-development-transition