柴桢省两名经济警察因违纪被内政部停职

ផ្អាកការងារបណ្តោះអាសន្ន មន្ត្រីនគរបាល ២រូប នៅខេត្តស្វាយរៀង ក្រោយល្មើសបទវិន័យនគរបាលជាតិ ភ្នំពេញ៖ ក្រសួងមហាផ្ទៃ បានចេញប្រកាសស្តីពីការផ្អាកការងារបណ្តោះអាសន្នចំពោះមន្ត្រីនគរបាលជាតិចំនួន ២រូប នៃស្នងការដ្ឋាននគរបាលខេត្តស្វាយរៀង ដោយមូលហេតុល្មើសបទវិន័យនគរបាលជាតិកម្ពុជា។ យោងតាមប្រកាសលេខ ១០៦០៥ ប្រក ចុះថ្ងៃទី២៨ ខែសីហា ឆ្នាំ២០២៦ មន្ត្រីនគរបាលទាំង ២រូប រួមមាន វរសេនីយ៍ទោ ឈុន ឆាង អត្តលេខ ៦៩៩៨៨ ជានាយការិយាល័យនគរបាលប្រឆាំងបទល្មើសសេដ្ឋកិច្ច និងវរសេនីយ៍ត្រី យ៉ន បូណាវី អត្តលេខ ៦០១១៩ ជានាយរងការិយាល័យនគរបាលប្រឆាំងបទល្មើសសេដ្ឋកិច្ច។ ក្នុងអំឡុងពេលផ្អាកការងារ មន្ត្រីទាំងពីររូបត្រូវទៅបង្ហាញមុខរៀងរាល់ម៉ោងធ្វើការ នៅការិយាល័យបុគ្គលិក នៃស្នងការដ្ឋាននគរបាលខេត្តស្វាយរៀង រហូតដល់មានការសម្រេចជាថ្មី។