伊朗新任领导人誓言报复美以 局势持续紧张

មេដឹកនាំកំពូលអ៊ីរ៉ង់ប្តេជ្ញាសងសឹកអាមេរិកនិងអ៊ីស្រាអែលដែលសម្លាប់ឪពុករបស់លោក ============= មេដឹកនាំកំពូលអ៊ីរ៉ង់លោកMojtaba Khamenei នៅថ្ងៃ​ទី១១ខែកក្កដាឆ្នាំ២០២៦ បានប្តេជ្ញាសងសឹកចំពោះ​ការ​សម្លាប់លោកAli khamenei ដែលជាឪពុករបស់លោក​និងជាមេដឹកនាំកំពូលមុន ដោយអាមេរិកនិងអ៊ីស្រាអែល កាលពីខែកុម្ភៈឆ្នាំ២០២៦។ លោកMojtaba Khamenei បាននិយាយនៅក្នុងសារជាលាយលក្ខណ៍អក្សរថា «ការសងសឹក គឺជាឆន្ទៈរបស់ប្រទេសជាតិរបស់យើង ហើយត្រូវតែអនុវត្តដោយជៀសមិនរួច»។ លោក​Mojtaba Khameneiដែលរស់នៅលាក់​ខ្លួនបាន​និយាយថា អ៊ីរ៉ង់បានចងក្រងបញ្ជីឈ្មោះបុគ្គលដែលត្រូវ​កំណត់គោលដៅរួចហើយ។ ការប្រកាសសងសឹករបស់មេដឹកនាំកំពូលថ្មីអ៊ីរ៉ង់រូបនេះ ធ្វើឡើងប៉ុន្មានម៉ោងប៉ុណ្ណោះក្រោយ លោកដូណាល់ ត្រាំប្រធានាធិបតីអាមេរិក បានបង្ហោះសារនៅលើ​បណ្តាញសង្គមTruth Socialថា ការប៉ុនប៉ងធ្វើឃាត​មកលើរូបលោកណាមួយ នឹងនាំឱ្យអាមេរិកបំផ្លាញ​អ៊ីរ៉ង់ចោលទាំងស្រុង។ លោកត្រាំថា មីស៊ីលរាប់ពាន់​គ្រាប់បានតម្រៀបគ្នាត្រៀមតម្រង់បាញ់ស្រោចដាក់ប្រទេសអ៊ីរ៉ង់ភ្លាមៗ ប្រសិនបើអ៊ីរ៉ង់ធ្វើសកម្មភាពដូច​ដែលខ្លួនបានគំរាមកំហែង។ ============= [**👉Facebook**](https://www.facebook.com/vayofm)** **[**👉Telegram**](https://t.me/vayofm)** **[** 👉TikTok 👉**](https://www.tiktok.com/@vayofmradio?_t=8qP0w6MsZfe&_r=1)[**YouTube **](https://www.youtube.com/@vayofm105)**👉**[**IOS 👉**](https://apps.apple.com/us/app/vayo-fm-radio/id993070474)[**Android**](https://play.google.com/store/apps/details?id=com.vayofm.bunsorng.vayoapp)