中国驻柬埔寨大使王文天通过社交媒体辟谣，否认日媒《读卖新闻》

Breaking News: ស្ថានទូតចិនប្រចាំនៅកម្ពុជា ច្រានចោលការចុះផ្សាយរបស់កាសែតជប៉ុន ពាក់ព័ន្ធវេជ្ជបណ្ឌិតចិន វះកាត់ប្តូរតម្រងនោមនៅមន្ទីរពេទ្យព្រះកេតុមាលា ភ្នំពេញ៖ ឯកអគ្គរដ្ឋទូតចិន​ប្រចាំនៅ​កម្ពុជា​​ បានច្រានចោលការចុះផ្សាយរបស់កាសែតជប៉ុន Yomiuri Shimbun ដែលអះអាងថា មានវេជ្ជបណ្ឌិតជនជាតិចិនម្នាក់បានចូលរួមក្នុងការវះកាត់ប្តូរតម្រងនោមនៅមន្ទីរពេទ្យព្រះកេតុមាលា ដោយបញ្ជាក់ថា ខ្លឹមសារនៃការចុះផ្សាយនេះ គឺជា ព័ត៌មានក្លែងក្លាយទាំងស្រុង។ ការបញ្ជាក់នេះ ត្រូវបានលើកឡើងដោយលោក Wang Wenbin ឯកអគ្គរដ្ឋទូតចិនប្រចាំកម្ពុជា តាមរយៈទំព័រហ្វេសប៊ុករបស់លោកមុននេះបន្តិច​។ តាមសំណេររបស់លោក Wang Wenbin ស្ថានទូតចិនបានធ្វើការផ្ទៀងផ្ទាត់ដោយផ្ទាល់ជាមួយមន្ទីរពេទ្យព្រះកេតុមាលា ហើយទទួលបានការបញ្ជាក់ថា មិនមានវេជ្ជបណ្ឌិតជនជាតិចិនណាម្នាក់ ធ្លាប់ចូលរួមក្នុងការវះកាត់ប្តូរតម្រងនោមនៅមន្ទីរពេទ្យនេះឡើយ។ លោកឯកអគ្គរដ្ឋទូតបានសង្កត់ធ្ងន់ថា ការចុះផ្សាយរបស់កាសែត Yomiuri Shimbun គឺជាព័ត៌មានមិនពិត និងគ្មានមូលដ្ឋាន។