磅湛省磅特拉县发生一起针对女性的枪击事件，受害者目前正在接受

Update រឿងកាន់តែក្តៅហើយ! ស្នងការខេត្តកំពង់ឆ្នាំង ដាក់បទបញ្ជាតាមចាប់ជនដៃដល់ ដែលបាញ់ប្រហារស្ត្រីរងគ្រោះ ខេត្តកំពង់ឆ្នាំង៖ ករណីបាញ់ប្រហារមកលើស្ត្រីម្នាក់ឈ្មោះ លាង ពិសី នៅភូមិសំរោង ឃុំតាជេស ស្រុកកំពង់ត្រឡាច ខេត្តកំពង់ឆ្នាំង កាលពីយប់ថ្ងៃទី៣ ខែកញ្ញា ឆ្នាំ២០២៦ កំពុងទទួលបានការយកចិត្តទុកដាក់ពីសមត្ថកិច្ច ខណៈជនដៃដល់នៅមិនទាន់ត្រូវបានឃាត់ខ្លួននៅឡើយ។ តាមព័ត៌មានដែលទទួលបាន បន្ទាប់ពីកើតហេតុ និងមានការដាក់ពាក្យបណ្តឹងពីក្រុមគ្រួសារជនរងគ្រោះ ស្នងការដ្ឋាននគរបាលខេត្តកំពង់ឆ្នាំង បានដាក់បទបញ្ជាឱ្យកម្លាំងជំនាញ និងអង្គភាពពាក់ព័ន្ធ បន្តស្រាវជ្រាវ និងតាមចាប់ជនដៃដល់យកមកចាត់ការតាមផ្លូវច្បាប់។ បច្ចុប្បន្ន ស្ត្រីរងគ្រោះ លាង ពិសី កំពុងស្ថិតក្នុងបន្ទប់វះកាត់ ដើម្បីទទួលការព្យាបាលពីរបួសដែលបណ្តាលមកពីការបាញ់ប្រហារ។ ជាមួយគ្នានេះ ក្រុមគ្រួសាររបស់នារីរងគ្រោះ បានដាក់ពាក្យបណ្តឹងជូនសមត្ថកិច្ចរួចរាល់ហើយ ដើម្បីស្នើសុំឱ្យមានការស៊ើបអង្កេត និងចាត់វិធានការតាមច្បាប់ចំពោះជនសង្ស័យដែលពាក់ព័ន្ធនឹងករណីនេះ។ ក្រុមគ្រួសារ និងប្រជាពលរដ្ឋ កំពុងរង់ចាំមើលចំណាត់ការរបស់សមត្ថកិច្ច ក្នុងការនាំខ្លួនជនដៃដល់មកផ្តន្ទាទោសតាមច្បាប់ ដើម្បីផ្តល់យុត្តិធម៌ជូនជនរងគ្រោះ និងក្រុមគ្រួសារ។