奥多棉吉省森隆市实弹射击训练 8月19-31日禁止靠近

សេចក្តីជូនដំណឹង៖ ស្តីពីការហ្វឹកហ្វឺនម្ចាស់ការអាវុធ SVD និងការបាញ់គ្រាប់ពិត របស់កងពលតូចថ្មើរជើងលេខ៤២ ស្ថិតក្នុងភូមិសាមគ្គី សង្កាត់កូនគ្រៀល ក្រុងសំរោង (ក្រុងសំរោង)៖ រដ្ឋបាលក្រុងសំរោង សូមជម្រាបជូនដំណឹងដល់បងប្អូនប្រជាពលរដ្ឋ និងសាធារណជន ជាពិសេសអ្នករស់នៅ និងប្រកបមុខរបរនៅក្បែរភូមិសាមគ្គី សង្កាត់កូនគ្រៀល មេត្តាជ្រាបថា៖ កងពលតូចថ្មើរជើងលេខ៤២ នឹងរៀបចំបើកវគ្គហ្វឹកហ្វឺនម្ចាស់ការអាវុធ SVD ដោយមានការបាញ់គ្រាប់ពិត ចាប់ពី ថ្ងៃទី១៩ រហូតដល់ថ្ងៃទី៣១ ខែសីហា ឆ្នាំ២០២៦ ស្ថិតនៅទីលានហ្វឹកហ្វឺនក្នុងភូមិសាមគ្គី សង្កាត់កូនគ្រៀល ក្រុងសំរោង។ ដើមី្បធានាសុវត្ថិភាពខ្ពស់ និងជៀសវាងគ្រោះថ្នាក់ដោយយថាហេតុ រដ្ឋបាលក្រុងសំរោង សូមណែនាំ៖ ១. អាជ្ញាធរសង្កាត់កូនគ្រៀល៖ បន្តផ្សព្វផ្សាយព័ត៌មាននេះឱ្យបានទូលំទូលាយដល់ប្រជាពលរដ្ឋក្នុងមូលដ្ឋាន។ ២. បងប្អូនប្រជាពលរដ្ឋ៖ សូមកុំមានការភ័យខ្លាច ឬភ្ញាក់ផ្អើលចំពោះសំឡេងផ្ទុះអាវុធ និង សូមផ្អាកការចូលទៅក្បែរតំបន់ទីលានបាញ់គ្រាប់ពិត ក្នុងអំឡុងពេលខាងលើជាដាច់ខាត។ អាស្រ័យហេតុនេះ សូមសាធារណជន និងប្រជាពលរដ្ឋទាំងអស់ មេត្តាជ្រាបជាព័ត៌មាន និងចូលរួមសហការដោយស្មារតីទទួលខុសត្រូវខ្ពស់៕