柬埔寨国王在华手术成功，洪森及家人陪同照料

សម្តេចតេជោ រួមជាមួយឯកឧត្តម ហ៊ុន ម៉ានី និងឯកឧត្តម ហ៊ុន ម៉ានិត បានអញ្ជើញទៅកាន់ប្រទេសចិនតាំងពីថ្ងៃ១៧ ខែមេសា ឆ្នាំ២០២៦ ដើម្បីដង្ហែព្រះមហាក្សត្រ និងហ្លួងម៉ែ ក្នុងអំឡុងពេលដែលព្រះករុណាជាអម្ចាស់ជីវិតលើត្បូងត្រូវទទួលការវះកាត់ពីក្រុមវេជ្ជបណ្ឌិតចិន។ សម្តេចបានបញ្ជាក់ថា ព្រះមហាក្សត្រជាទីគោរពសក្ការៈបានទទួលជោគជ័យហើយដោយការវះកាត់បានធ្វើនៅព្រឹកថ្ងៃ២០ ខែមេសាឆ្នាំ២០២៦នេះ ដោយពេលនេះព្រះករុណាព្រះអង្គបានដឹងព្រះកាយបន្ទាប់ពីអស់ថ្នាំសណ្តំ ខណៈដែលក្រុមគ្រូពេទ្យកំពុងតាមដានដោយយកចិត្តទុកដាក់នូវការវិវត្តប្រែប្រួលក្រោយការវះកាត់។ សម្តេចតេជោបានបន្ថែមថា ព្រះករុណាព្រះមហាក្សត្រ និងសម្តេចម៉ែ ព្រះអង្គសូមអរព្រះគុណ និងអរគុណចំពោះព្រះសង្ឃ និងប្រជាពលរដ្ឋដែលបានផ្ញើសារថ្វាយព្រះពរចំពោះព្រះអង្គ។ សម្តេចតេជោក៏បាន ថ្លែងអំណរគុណប្រធានាធិបតីស៊ី ជីនភីង និងរដ្ឋាភិបាលនៃសាធារណរដ្ឋប្រជាមានិតចិនដែលបានយកចិត្តទុកដាក់ចំពោះព្រះរាជសុខភាពរបស់ព្រះមហាក្សត្រកម្ពុជា ព្រមទាំងអរគុណជាពិសេសដល់ក្រុមគ្រូពេទ្យដ៏ពូកែដែលបានវះកាត់ប្រកបដោយជោគជ័យនិងសុវត្ថិភាពសម្រាប់ព្រះមហាក្សត្រជាទីគោរពស្រលាញ់របស់ប្រជាជនកម្ពុជា ព្រោះព្រះរាជសុខភាពរបស់ព្រះមហាក្សត្រគឺជាសុខភាពរបស់ប្រទេសជាតិទាំងមូល។