旅游部制定2027-2028年海外市场推广战略

[来源: 柬埔寨国家电视台] [分类提示: NEWS] 标题: ក្រសួងទេសចរណ៍ បើកសិក្ខាសាលាស្តីពីការសិក្សាទីផ្សារ និងផ្សព្វផ្សាយទេសចរណ៍ក្រៅប្រទេសឆ្នាំ២០២៧-២០២៨ ក្រោមប្រធានបទ «ការវាយតម្លៃ និងកំណត់ទីផ្សារទេសចរណ៍អាទិភាព ឆ្នាំ២០២៧-២០២៨» ការវាយតម្លៃ និងកំណត់ទីផ្សារទេសចរណ៍គោលដៅអាទិភាពសម្រាប់ឆ្នាំ២០២៧ និង ២០២៨ គឺជាការគិតគូរយុទ្ធសាស្ត្របុរេសកម្ម ដ៏មានសារៈសំខាន់ ដោយឈរលើអភិក្រម ប្រាកដនិយម អាចអនុវត្តបានជាក់ស្តែង មានភាពបត់បែនខ្ពស់ និងការប្រមូលផ្តុំជាសហថាមពលរវាងរដ្ឋ និងឯកជន គួបផ្សំនឹងការផ្សារភ្ជាប់យ៉ាងជិតស្និទ្ធផងដែរ ជាមួយនឹងការពង្រឹងមូលដ្ឋានគ្រឹះ និងការលើកកម្ពស់គុណភាពសេវាកម្មផ្ទៃក្នុងរបស់យើងឱ្យបានរឹងមាំ នេះជាប្រសាសន៍ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ អញ្ជើញជាអធិបតីក្នុងកម្មវិធីសិក្ខាសាលាស្តីពីការសិក្សាទីផ្សារ និងផ្សព្វផ្សាយទេសចរណ៍ក្រៅប្រទេសឆ្នាំ២០២៧-២០២៨ ក្រោមប្រធានបទ «ការវាយតម្លៃ និងកំណត់ទីផ្សារទេសចរណ៍អាទិភាព ឆ្នាំ២០២៧-២០២៨» នាព្រឹកថ្ងៃទី៤ ខែឧសភា ឆ្នាំ២០២៦ នៅទីស្តីការក្រសួង ។ សិក្ខាសាលានេះរៀបចំឡើងក្នុងគោលបំណងចំនួន ៣ រួមមាន៖ (១) ស្វែងយល់អំពីនិន្នាការនៃការធ្វើដំណើរក្នុងតំបន់ និងសកលដែលជះឥទ្ធិពលលើតម្រូវការក្នងវិស័យទេសចរណ៍, (២) ពិភាក្សាលើបញ្ហាប្រឈមដែលប៉ះពាល់ដល់សមត្ថភាពប្រកួតប្រជែង រួមទាំងការតភ្ជាប់ផ្លូវអាកាសនិងតម្លៃ, និង ទី(៣) កំណត់ទីផ្សារទេសចរណ៍អាទិភាពសម្រាប់ឆ្នាំ២០២៧-២០២៨។ ក្នុងឱកាសនេះ ឯកឧត្តមរដ្ឋមន្ត្រី បានថ្លែងអំណរគុណអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានគណៈកម្មការសម្របសម្រួលក្រុមការងារផ្នែកឯកជន សម្រាប់យន្តការវេទិការាជរដ្ឋាភិបាល-ផ្នែកឯកជន ដែលបានផ្តល់ការសម្របសម្រួលសព្វគ្រប់បែបយ៉ាងនាពេលកន្លងមក។ ឯកឧត្តមរដ្ឋមន្ត្រី ក៏បានថ្លែងអំណរគុណ និងវាយតម្លៃខ្ពស់ចំពោះកិច្ចខិតខំប្រឹងប្រែង និងឆន្ទៈមោះមុតរបស់ផ្នែកឯកជន នៃមហាគ្រួសារវិស័យទេ