堆谷区德科市场查获1.2吨非法进口冷冻肉丸 3人被捕

ប្រហិតបង្កកចម្រុះជាង១តោនដែលនាំចូលពីថៃ ត្រូវបានអាជ្ញាធររកឃើញនៅទីតាំងឃ្លាំងនាសង្កាត់ផ្សារដើមគរ ============= នៅព្រឹក ថ្ងៃទី១២ ខែមិថុនា ឆ្នាំ២០២៦ កម្លាំងគណៈ បញ្ជាការឯកភាពខណ្ឌទួលគោក ដឹកនាំដោយលោក ជា ពិសី អភិបាលខណ្ឌទួលគោក សហការជាមួយ ក.ប.ប រាជធានីភ្នំពេញ និងក្រោមកិច្ចសម្របសម្រួលផ្លូវច្បាប់ពីលោក ញ៉ាន បូរី ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញបានចុះត្រួតពិនិត្យទីតាំងឃ្លាំងស្តុកទូរក្លាសេសាច់និងប្រហិតចម្រុះចំនួន៥ទីតាំងដែលស្ថិតក្នុងមូលដ្ឋានសង្កាត់ផ្សារដើមគរ។ ជាលទ្ធផលអាជ្ញាធរនិងសមត្ថកិច្ចបានចុះត្រួតពិនិត្យទីតាំងផ្ទះស្តុកផលិតផលរបស់ថៃ (ប្រហិតបង្កកចម្រុះ) ស្ថិតនៅផ្ទះលេខ២៨៣ ផ្លូវម៉ៅសេទុង (ផ្លូវលេខ២៤៥) ក្រុម១០ ភូមិ១ សង្កាត់ផ្សារដើមគរ​ដែលពាក់ព័ន្ធនឹង​បទល្មើស នាំចូលស្តុកទុក ចរាចរ និងចែកចាយ​ផលិតផលប្រហិតបង្កកដែលមានប្រភពពីប្រទេសថៃដោយបានរកឃើញប្រហិតបង្កក២១មុខស្មើនឹង១២៣៤,៥៥គីឡូក្រាមជាផលិតផលនាំចូលពីប្រទេសថៃ ដោយខុសច្បាប់។ ជាមួយគ្នានេះសមត្ថកិច្ចក៏បានឃាត់ខ្លួនមនុស្សចំនួន៣នាក់បញ្ជូនទៅកាន់ការិយាល័យប្រឆាំងបទល្មើសសេដ្ឋកិច្ច ដើម្បីបន្តនីតិវិធី ៕ ============= [ ](https://www.facebook.com/vayofm/posts/pfbid036kKqpCu3NLPQDJ1TBrS7JuJr9hRKA5oRri991eH8L7AqkzbzGqRhQimPvarYuTV4l)[**👉Faceboo**](https://www.facebook.com/vayofm)[**k 👉Telegram**](https://t.me/vayofm)** **[** **](https://www.youtube.com/@vayofm105)[**👉TikTok**](https://www.tiktok.com/@vayofmradio?_t=8qP0w6MsZfe&_r=1)[** 👉YouTube**](https://www.youtube.com/@vayofm105)** **[**👉IOS**](https://apps.apple.com/us/app/vayo-fm-radio/id993070474)[** 👉Android**](https://play.google.com/store/apps/details?id=com.vayofm.bunsorng.vayoapp)