柬埔寨勋爵协会代表团陪同孙占托副总理出席UNCTAD举办的商

គណៈប្រតិភូសមាគមឧកញ៉ាកម្ពុជា បន្តអមដំណើរគណៈប្រតិភូកម្ពុជា ចូលរួមក្នុងពិធីទទួលទានអាហារពេលល្ងាចធុរកិច្ច និងវិនិយោគ ដែលត្រូវបានរៀបចំទទួលស្វាគមន៍ដោយគណៈគ្រប់គ្រងជាន់ខ្ពស់នៃ UNCTAD សៀមិន៖ នារាត្រីថ្ងៃចន្ទ ទី៧ ខែកញ្ញា ឆ្នាំ២០២៦ អ្នកឧកញ៉ា គួន ធីតា អនុប្រធានសមាគមឧកញ៉ាកម្ពុជា បានបន្តដឹកនាំគណៈប្រតិភូសមាគម អញ្ជើញអមដំណើរ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ នៃក្រុមប្រឹក្សាអភិវឌ្ឍន៍កម្ពុជា អញ្ជើញចូលរួមក្នុងពិធីទទួលទានអាហារពេលល្ងាចធុរកិច្ច និងវិនិយោគ ដែលត្រូវបានរៀបចំទទួលស្វាគមន៍ដោយគណៈគ្រប់គ្រងជាន់ខ្ពស់នៃសន្និសីទអង្គការសហប្រជាជាតិស្តីពីពាណិជ្ជកម្ម និងការអភិវឌ្ឍ (UNCTAD)។ កម្មវិធី Future Investment Night នេះគឺជាព្រឹត្តិការណ៍ជួបជុំថ្នាក់ដឹកនាំរដ្ឋ និងវិស័យឯកជនសំខាន់ៗ មុនពិព័រណ៍ CIFIT លើកទី២៦ ប្រារព្ធពិធីបើកជាផ្លូវការ និងមានគោលដៅជំរុញការវិនិយោគ និងការទាក់ទាញទុនវិនិយោគបរទេស តាមរយៈការបង្កើតបណ្តាញទំនាក់ទំនងរវាងរដ្ឋាភិបាល និងវិនិយោគិនអន្តរជាតិ។