越南航空波音787客机因技术故障返航 乘客均安全

យន្តហោះក្រុមហ៊ុនអាកាសចរណ៍វៀតណាមបកក្បាលទៅចុះចតនៅអាល្លឺម៉ង់ក្រោយជួបឧប្បត្តិហេតុអំឡុងពេលហោះឡើង ============ យន្តហោះBoeing 787-9 របស់ក្រុមហ៊ុនអាកាស​ចរណ៍​វៀតណាមVietnam Airlines ដែលហោះចេញ​ពីក្រុង​Munichប្រទេសអាល្លឺម៉ង់ ក្នុងទិសដៅទៅកាន់ក្រុង​ហូជីមិញ​ប្រទេសវៀតណាម បានបង្ខំបកក្បាលត្រឡប់​ក្រោយ​វិញ បន្ទាប់ពីហោះឡើងបានរយៈពេលខ្លី នៅថ្ងៃទី១៥ខែសីហាឆ្នាំ២០២៦។ បើតាមក្រុមហ៊ុន​អាកាសចរណ៍​វៀតណាមបានបញ្ជាក់ដោយមិនលម្អិតថា ការចុះចតបន្ទាន់នេះ ដោយសារមានបញ្ហាបច្ចេកទេស។ សារព័ត៌មានវៀតណាមVNExpressបានរាយការណ៍ថា យន្តហោះបានបកទៅចុះចតនៅកន្លែងហោះឡើងវិញដោយសុវត្ថិភាព ហើយអ្នកដំណើរ និងសមាជិកអាកាស​យានិក​ទាំងអស់ ត្រូវបានអមដំណើរចូលទៅក្នុងស្ថានីយ។ ក្រុមហ៊ុនអាកាសចរណ៍កំពុងធ្វើការជាមួយអាជ្ញាធរ និង​ភាគី​ពាក់ព័ន្ធ ដើម្បីកំណត់មូលហេតុនៃឧប្បត្តិហេតុនេះ។ បើតាមគេហទំព័រតាមដានជើងហោះហើរFlightradar24 មុនវិលត្រឡប់ទៅកាន់ទីក្រុងMunichវិញ យន្តហោះ​របស់ក្រុមហ៊ុនអាកាសចរណ៍វៀតណាម បានហោះ​វិលជុំវិញ​នៅលើអាកាសអស់រយៈពេលជាងពីរម៉ោង ដើម្បីដុតបំផ្លាញប្រេងឥន្ធនៈ ដើម្បីកាត់បន្ថយទម្ងន់​ចុះចត។ ============ [🌐អានព័ត៌មាន](https://vayofm.com/news/detail/145025-791.html) [**👉Facebook**](https://www.facebook.com/vayofm) [**👉Telegram**](https://t.me/vayofm)** ** [**👉TikTok**](https://www.tiktok.com/@vayofmradio?_t=8qP0w6MsZfe&_r=1) [**👉**](https://www.tiktok.com/@vayofmradio?_t=8qP0w6MsZfe&_r=1)[**YouTube**](https://www.youtube.com/@vayofm105) **👉**[**IOS **](https://apps.apple.com/us/app/vayo-fm-radio/id993070474) [**👉**](https://apps.apple.com/us/app/vayo-fm-radio/id993070474)[**Android**](https://play.google.com/store/apps/details?id=com.vayofm.bunsorng.vayoapp)