俄罗斯总统普京抵达北京 开启对华国事访问

ប្រធានាធិបតីរុស្ស៊ីលោកវ្ល៉ាឌីមៀ ពូទីន បានទៅដល់ទីក្រុងប៉េកាំងកាលពីយប់ថ្ងៃអង្គារ សម្រាប់ដំណើរទស្សនកិច្ចផ្លូវរដ្ឋទៅកាន់ប្រទេសចិន។ តាមការអញ្ជើញរបស់ប្រធានាធិបតីចិន លោក ស៊ី ជីនពីង លោក ពូទីន នឹងបំពេញទស្សនកិច្ចនៅប្រទេសចិនចាប់ពីថ្ងៃទី១៩ ដល់ថ្ងៃទី២០ ខែឧសភា។ នេះជាដំណើរទស្សនកិច្ចលើកទី២៥ របស់លោក ពូទីន មកកាន់ប្រទេសចិន។ យោងតាមក្រសួងការបរទេសចិន ប្រធានាធិបតីទាំងពីរនឹងផ្លាស់ប្តូរទស្សនៈលើទំនាក់ទំនងទ្វេភាគី កិច្ចសហប្រតិបត្តិការក្នុងវិស័យផ្សេងៗ និងបញ្ហាអន្តរជាតិ និងតំបន់ដែលមានផលប្រយោជន៍ទៅវិញទៅមក។ ឆ្នាំនេះគឺជាខួបលើកទី៣០ នៃការបង្កើតភាពជាដៃគូសម្របសម្រួលយុទ្ធសាស្ត្រចិន-រុស្ស៊ី និងខួបលើកទី២៥ នៃការចុះហត្ថលេខាលើសន្ធិសញ្ញាអ្នកជិតខាងល្អ និងសហប្រតិបត្តិការមិត្តភាពចិន-រុស្ស៊ី។ គួររម្លឹកថាលោកពូទីន បានទៅទស្សនកិច្ចប្រទេសចិនលើកចុងក្រោយក្នុងខែកញ្ញា ឆ្នាំ២០២៥ ដើម្បីចូលរួមកិច្ចប្រជុំកំពូលប្រចាំឆ្នាំរបស់អង្គការសហប្រតិបត្តិការសៀងហៃ នៅទីក្រុងធានជីន ទស្សនាក្បួនដង្ហែរយោធាដើម្បីអបអរសាទរខួបលើកទី៨០ នៃការបញ្ចប់សង្គ្រាមលោកលើកទី២ និងជួបពិភាក្សាជាមួយលោកស៊ី។ នៅពេលនោះ លោកស៊ី បានហៅលោកពូទីនថាជា «មិត្តចាស់» ខណៈដែលលោកពូទីន បានហៅលោកស៊ីថាជា «មិត្តជាទីស្រឡាញ់»៕