柬埔寨电竞队在MLBB项目预选赛中连胜缅甸

ក្រុមកីឡាអេឡិចត្រូនិកកម្ពុជា ទទួលបានកៅអីកីឡាអាស៊ី លើកទី២០ នៅជប៉ុន ក្រោយយកឈ្នះដៃគូ ៤ប្រកួតជាប់ៗគ្នា រួមមានឈ្នះមីយ៉ាន់ម៉ា ២-១, ឈ្នះវៀតណាម ២-០, ឈ្នះហ្វីលីពីន ២-១ និងឈ្នះសិង្ហបុរី ២-០។ ជាមួយការធ្វើបានល្អក្នុងពូលA ប្រចាំតំបន់នេះ នាំឲ្យក្រុមអ្នកចម្បាំងអង្គរ មានកៅអីស្វ័យប្រវត្តិសម្រាប់ព្រឹត្តិការណ៍ Asian Games តែនៅសល់ ៣ប្រកួតទៀត ដែលត្រូវបន្ដការប្រកួតថ្ងៃនេះ រួមមានជួបក្រុមម៉ាឡេស៊ី ឡាវ និងចុងក្រោយជួបក្រុមខ្លាំងឥណ្ឌូនេស៊ី។ គួរដឹងថា វគ្គជម្រុះកីឡាអាស៊ី លើកទី២០ សម្រាប់ប្រភេទកីឡាអេឡិចត្រូនិក លើវិញ្ញាសា MLBB ប្រចាំតំបន់អាស៊ាននេះ មាន ៨ប្រទេស្ថិតក្នុងពូលA ដែលត្រូវជម្រុះយក ៥ក្រុមឡើងទៅប្រកួតជុំផ្ដាច់ព្រ័ត្រ ។ ដូច្នេះទោះបីលទ្ធផល ៣ប្រកួតចុងក្រោយបែបណា ក៏មិនអាចរារាំងដំណើរជុំបន្ទាប់របស់ក្រុមកីឡាអេឡិចត្រូនិកកម្ពុជាដែរ៕