洪森提议中方支持磅清扬省至磅通省公路桥梁项目

ដំណឹង ពីគម្រោងសាងសង់ផ្លូវនិងស្ពានតភ្ជាប់កំពង់ឆ្នាំងនិងកំពង់ធំ ពីខេត្តកំពង់ឆ្នាំង នៅថ្ងៃនេះ សម្តេចតេជោនៅតែយកចិត្តទុកដាក់ខ្ពស់ លើគម្រោងសាងសង់ផ្លូវ និងស្ពានតភ្ជាប់កំពង់ឆ្នាំង និងកំពង់ធំ និងបានស្នើឱ្យមិត្តចិនពិចារណាលើគម្រោងនេះ។ សម្ដេចបន្តថា ការតភ្ជាប់បណ្តាញដឹកជញ្ជូន រវាងខេត្តជុំវិញបឹងទន្លេសាបទាំងផ្លូវទឹក និង​ផ្លូវគោក មានសារៈសំខាន់ណាស់សម្រាប់ការលើកកម្ពស់ជីវភាពប្រជាពលរដ្ឋ។ សម្តេចក៏បានលើកឡើងពីគម្រោងផ្លូវជាតិលេខ៥០សេ ដែលជាផ្លូវមួយខ្សែតភ្ជាប់​រវាង​ខេត្ត​កំពង់​ឆ្នាំង និងខេត្តកំពង់ធំ ព្រោះគម្រោងផ្លូវមួយខ្សែនេះត្រូវបានសម្តេចតេជោប្រកាសពីការសាងសង់ក្នុង​ពេល​សម្តេច​នៅកាន់តួនាទីជានាយករដ្ឋមន្ត្រី ហើយមកដល់ពេលនេះ គម្រោងមួយនេះមិនទាន់បាន​ដំណើរ​​ការនៅ​ឡើយទេ។