金边警方介入调查针对外国游客的暴力威胁事件

🎥 ក្រោយមានការចែកចាយ Video ដែលបុរសម្នាក់ប្រើសម្តីកោង និងចង់ប្រើហិង្សាលើបុរសបរទេសម្នាក់ជាអ្នកផលិត Video តាម YouTube នគរបាលមូលដ្ឋានខណ្ឌដូនពេញ បានចុះទៅដល់កន្លែងកើតហេតុនៅតាមរបងវត្តឧណ្ណាឡោម ដើម្បីស្វែងរកបុរសរូបនោះ និងសួរព័ត៌មានមួយចំនួន។ តាមការបញ្ជាក់របស់សមត្ថកិច្ច ក្រោយការបំភ្លឺរបស់អ្នករត់ប៉ះអាប (នៅក្នុង Video សួរនាំ) និងអ្នកលក់ដូរក្បែររបងវត្ត ពួកគេបានប្រាប់ថា ហេតុការណ៍មួយនេះបានកើតកាលពីថ្ងៃទី៩ ខែមេសា ឆ្នាំ២០២៦ មកម្ល៉េះ។ ពួកគាត់បានឲ្យដឹងទៀតថា បុរសដែលចង់ប្រើហិង្សាលើភ្ញៀវទេសចរណ៍បរទេស ជាជនអនាថាដើរដេកតាមវត្ត និងទីសាធារណ:។ នៅថ្ងៃដដែលនោះ មានសប្បុរសជន យកអំណោយទៅចែកជូនតាៗពូៗធាក់ស៊ីក្លូ និងអ្នករត់ប៉ះអាបហើយបុរសអនាថាក៏ចូលរួមសុំអំណោយផងដែរ។ ទោះនៅថ្ងៃនេះ នគរបាលរកមិនឃើញ តែនគរបាលនឹងធ្វើការស្រាវជ្រាវបន្តស្វែងរកគាត់ ដើម្បីយកមកអប់រំ និងណែនាំ ចំពោះពាក្យសម្តី និងកាយវិការមិនសមរម្យលើភ្ញៀវទេសចរណ៍ទាំងឡាយ។ ក្រោយទទួលបានព័ត៌មានដែលប៉ះពាល់ដល់ភ្ញៀវទេសចរណ៍បរទេសម្នាក់នេះ លោកឧត្តមសេនីយ៍ឯក ជួន ណារិន្ទ បានបញ្ជាឱ្យនគរបាលខណ្ឌដូនពេញ ចុះទៅស្រាវជ្រាវជាបន្ទាន់។ #Vid