柴桢省破获大型网诈窝点 110名外籍人员被捕

​មនុស្ស​​ចំនួន១១០នាក់​ក្នុងនោះស្រី​១៦នាក់ ត្រូវបានឃាត់ខ្លួនក្នុងប្រតិបត្ដិការបង្ក្រាបបទល្មើសឆបោកតាមប្រព័ន្ធបច្ចេកវិទ្យា(Online Scams)​នៅស្រុកចន្ទ្រា ខេត្ដស្វាយរៀង។ ប្រតិបត្ដិការនេះដឹកនាំដោយលោក​ឧត្ដមសេនីយ៍​ទោ​ ពេជ្រ​ វីរៈ​ ស្នងការ​នគរបាល​ខេត្តស្វាយរៀង​​ ដោយចុះទៅបង្ក្រាបទីតាំងចំនួន២កន្លែងគឺនៅផ្ទះ​ជួល​និង​ផ្ទះ​សំណាក់ កាលពីថ្ងៃទី២០ ខែសីហា ឆ្នាំ២០២៦។ ​ក្នុងចំណោមមនុស្ស​​ទាំង១១០នាក់​នោះមានជនជាតិ​វៀតណាម​ ៩១នាក់​ស្រី​១៥នាក់, ជនជាតិ​ចិន​១៤នាក់​ប្រុស​ និង​ជនជាតិ​ខ្មែរ​៥នាក់​ស្រី​១នាក់។ ក្រៅពីឃាត់ខ្លួនមនុស្សសមត្ថកិច្ចក៏បានដកហូតសម្ភារៈពាក់ព័ន្ធនឹងបទល្មើសរួមមាន៖ កុំព្យូទ័រ​យួរដៃ​, ទូរស័ព្ទដៃ, ថេបប្លេត និងសម្ភារៈប្រើប្រាស់មួយចំនួនទៀត។ ​បច្ចុប្បន្ន ជនសង្ស័យរួមទាំងវត្ថុតាង ត្រូវបានសមត្ថកិច្ចជំនាញកំពុងកសាងសំណុំរឿងបញ្ជូនទៅសាលាដំបូងខេត្ត​ ដើម្បីចាត់ការតាមនីតិវិធីច្បាប់។ រីឯ​ទីតាំង​ប្រព្រឹត្តបទ​ល្មើស​ ក្រុមការ​ងារបានបិទ​សុីល​ទីតាំង​បណ្ដោះអាសន្ន​៕ ============= [**👉Facebook**](https://www.facebook.com/vayofm) [**👉Telegram**](https://t.me/vayofm)** ** [**👉TikTok**](https://www.tiktok.com/@vayofmradio?_t=8qP0w6MsZfe&_r=1) [**👉**](https://www.tiktok.com/@vayofmradio?_t=8qP0w6MsZfe&_r=1)[**YouTube**](https://www.youtube.com/@vayofm105) **👉**[**IOS **](https://apps.apple.com/us/app/vayo-fm-radio/id993070474) [**👉**](https://apps.apple.com/us/app/vayo-fm-radio/id993070474)[**Android**](https://play.google.com/store/apps/details?id=com.vayofm.bunsorng.vayoapp)