金边雷西郊区SKY TREE公寓突击检查 查获多名网诈嫌疑人

Breaking News: ប្រតិបត្តិការចម្រុះចុះរដ្ឋបាលខុនដូរ SKY TREE រកឃើញជនពាក់ព័ន្ធ Online Scam និងសម្ភារៈជាច្រើន (ភ្នំពេញ)៖ នៅថ្ងៃទី២៥ ខែឧសភា ឆ្នាំ២០២៦ វេលាម៉ោង១២៖៣០នាទី ក្រុមការងារចម្រុះរបស់រដ្ឋបាលរាជធានីភ្នំពេញ បានបើកប្រតិបត្តិការចុះត្រួតពិនិត្យ និងធ្វើរដ្ឋបាលនៅទីតាំងខុនដូរ SKY TREE រួមមានអគារ A, អគារ B និងអគារ C ស្ថិតក្នុងសង្កាត់ទួលសង្កែទី២ ខណ្ឌឫស្សីកែវ រាជធានីភ្នំពេញ។ ក្នុងប្រតិបត្តិការនេះ សមត្ថកិច្ចបានរកឃើញមនុស្សជាច្រើននាក់ ដែលសង្ស័យពាក់ព័ន្ធនឹងសកម្មភាពឆបោកតាមប្រព័ន្ធអនឡាញ (Online Scam) ព្រមទាំងដកហូតបានសម្ភារៈជាច្រើន រួមមានកុំព្យូទ័រ ទូរស័ព្ទដៃ ឧបករណ៍បច្ចេកវិទ្យា និងសម្ភារៈមួយចំនួនទៀត ដែលត្រូវបានសង្ស័យថាប្រើប្រាស់ក្នុងប្រតិបត្តិការបោកប្រាស់តាមប្រព័ន្ធឌីជីថល។ ប្រភពពីមន្ត្រីនៅទីតាំងប្រតិបត្តិការ បានឱ្យដឹងថា កម្លាំងសមត្ថកិច្ចកំពុងបន្តធ្វើការសាកសួរ ពិនិត្យឯកសារ និងស្រាវជ្រាវយ៉ាងម៉ត់ចត់ ដើម្បីកំណត់អត្តសញ្ញាណអ្នកពាក់ព័ន្ធ និងបណ្តាញដែលស្ថិតនៅពីក្រោយសកម្មភាពខុសច្បាប់នេះ។ ប្រតិបត្តិការខាងលើ គឺជាផ្នែកមួយនៃយុទ្ធនាការបន្តបង្ក្រាបបទល្មើសឆបោកតាមប្រព័ន្ធបច្ចេកវិទ្យា ដែលអាជ្ញាធរ និងស្ថាប័នពាក់ព័ន្ធកំពុងអនុវត្តយ៉ាងតឹងរ៉ឹង ដើម្បីពង្រឹងសន្តិសុខសង្គម សណ្តាប់ធ្នាប់សាធារណៈ និងការពារកិត្តិយសប្រទេសកម្ពុជា ពីបទល្មើសឌីជីថលឆ្លងដែន។ បច្ចុប្បន្ន មនុស្ស និងវត្ថុតាងដែលពាក់ព័ន្ធ ត្រូវបានសមត្ថកិច្ចនាំយកទៅបន្តនីតិវិធី និងស្រាវជ្រាវបន្ថែមតាមផ្លូវច្បាប់៕ «[Join Us](https://t.me/cfapressasia)» #កម្ពុជា #CambodiaNews #ព័ត៌មានក្តៅៗ #ឌឹមីរ័រញូស៍