柬埔寨卫生部要求加强口岸防疫及基层医院急救能力

[来源: 柬埔寨国家电视台] [分类提示: NEWS] 标题: រដ្ឋមន្រ្តីសុខាភិបាល៖ «ត្រូវមានស្មារតីបុរេសកម្ម នវានុវត្តន៍ ដោយរក្សានិរន្តរភាពការងារចាស់ និងបង្កើនថ្មី ផ្ដោតលើការងារអាទិភាព» រាជធានីភ្នំពេញ៖  ថ្លែងបន្តទៀតនោះ ឯកឧត្តមសាស្រ្តាចារ្យរដ្ឋមន្រ្តី បានណែនាំដល់ថ្នាក់ដឹកនាំទទួលបន្ទុក និងមន្រ្តីជំនាញ ត្រូវបន្តតាមដាន និងយកចិត្តទុកដាក់ខ្ពស់ពីជំងឺឆ្លង ដែលជាបញ្ហាសុខភាពសាធារណៈ ដែលកំពុងមានការចម្លងនៅបណ្តាប្រទេសមួយចំនួន។ ឯកឧត្តមសាស្រ្តាចារ្យ បានណែនាំបន្ថែម ដោយត្រូវបង្កើនការតាមដានសភាពការណ៍ ក្នុងការត្រៀមលក្ខណៈ ឆ្លើយតបឱ្យបានទាន់ពេលវេលា និងអនុវត្តវិធានការសុខាភិបាល នៅតាមច្រកចេញចូលទាំងផ្លូវគោក ទឹក និងផ្លូវអាកាស ស្របតាមស្ថានភាពពិភពលោក។ ឯកឧត្តមសាស្រ្តាចារ្យរដ្ឋមន្រ្តី បានណែនាំដល់ថ្នាក់ដឹកនាំ និងមន្ទីរសុខាភិបាលរាជធានី ខេត្ត ត្រូវខិតខំយកចិត្តទុកដាក់ ពិនិត្យវឌ្ឍនភាពការកែលម្អមន្ទីរពេទ្យបង្អែកស្រុក ដើម្បីពង្រឹងសមត្ថភាពបន្ថែមផ្នែកសង្រ្គោះបន្ទាន់ ការបំពាក់សម្ភារបរិក្ខារវេជ្ជសាស្រ្ត និងការបណ្តុះបណ្តាលបច្ចេកទេស ព្រមទាំងប្រព័ន្ធបញ្ជូន ដើម្បីធានាការបម្រើសេវាជូនប្រជាពលរដ្ឋឱ្យកាន់តែមានគុណភាព ប្រសិទ្ធភាព សុវត្ថិភាព ហើយនៅកៀកជិតប្រជាពលរដ្ឋ។ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានមានប្រសាសន៍យ៉ាងដូច្នេះនៅក្នុងពេល ដែលឯកឧត្តមអញ្ជើញដឹកនាំកិច្ចប្រជុំកម្រិតថ្នាក់ដឹកនាំ លើកទី២ ប្រចាំខែឧសភា នៅទីស្ដីការក្រសួងសុខាភិបាល នារសៀលថ្ងៃចន្ទទី២៥ ខែឧសភា ឆ្នាំ២០២៦ ដើម្បីពិនិត្យវឌ្ឍនភាពការងារ និងលើកទិសដៅបន្ត ដោយមានការអញ្ជើញចូលរួមពី ថ្នាក់ដឹកនាំក្រសួង និងអង្គភាពថ្នាក់កណ្តាល មន្ទីរសុខាភិបាលរាជធានីភ្នំពេញ និងតាមប្រព័ន្ធ Zoom ប្រធានមន្ទីរសុខាភិបាលខេត្ត។ ឯកឧត្តមសាស្រ្តាចារ្យ ក៏បានគូសរំលឹកដល់ថ្នាក់ដឹកនាំគ្រប់មន្ទីរពេទ្យទាំងអស់ ត្រូវមានការចុះឱ្យបានជាប់ជាប្រចាំ ក្នុងកា