金边森速区举办僧侣治理培训 旨在强化宗教行政管理

[来源: 柬埔寨国家电视台] [分类提示: NEWS] 标题: សម្ដេចព្រះមហាសុមេធាធិបតី កិត្តិបណ្ឌិត អំ លីមហេង និងឯកឧត្តមបណ្ឌិត ចាយ បូរិន យាងនិងអញ្ជើញជាព្រះរាជាធិបតី និងអធិបតី ក្នុងពិធីបិទវគ្គសង្ឃាភិបាលបណ្តុះបណ្តាលមន្ត្រីសង្ឃ ជំនាន់ទី២ វគ្គ១ នៅវត្តសុវណ្ណមុនីសាគរ (សំរោងអណ្តែត)។ (រាជធានីភ្នំពេញ )៖ នៅថ្ងៃទី២៩ ខែមេសា ឆ្នាំ២០២៦​ សម្ដេចព្រះមហាសុមេធាធិបតី  កិត្តិបណ្ឌិត អំ លីមហេង  សម្ដេចព្រះសង្ឃនាយក គណៈមហានិកាយ នៃព្រះរាជាណាចក្រកម្ពុជា និងឯកឧត្តមបណ្ឌិត ចាយ បូរិន រដ្ឋមន្ត្រីក្រសួងធម្មការនិងសាសនា បានយាងនិងអញ្ជើញ​ជាព្រះរាជាធិបតី និងអធិបតី ក្នុងពិធីបិទវគ្គសង្ឃាភិបាលបណ្តុះបណ្តាលមន្ត្រីសង្ឃ ជំនាន់ទី២ វគ្គ១ ស្តីពី«ការពង្រឹងអភិបាលកិច្ចសង្ឃ» ដែលរៀបចំឡើងដោយគណៈសង្ឃនាយក គណៈមហានិកាយ នៃព្រះរាជាណាចក្រកម្ពុជា នៅវត្តសុវណ្ណមុនីសាគរ (សំរោងអណ្តែត) ខណ្ឌសែនសុខ រាជធានីភ្នំពេញ ។ ពិធីនេះ មានការយាង និមន្ត និងអញ្ជើញចូលរួមពីសំណាក់ សម្ដេចព្រះសង្ឃនាយក សម្តេចព្រះសង្ឃនាយករង សម្តេច ព្រះរាជាគណៈ  ព្រះមន្ត្រីសង្ឃ និងព្រះសិក្ខាកាម ព្រះថេរានុត្ថេរៈគ្រប់ព្រះអង្គ ឯកឧត្តម លោកជំទាវ ជាថា្នក់ដឹកនាំ មន្ត្រីរាជការនៃក្រសួងធម្មការនិងសាសនា និងពុទ្ធបរិស័ទយ៉ាងច្រើនកុះករ។ តាមរយៈរបាយការណ៍បូកសរុបលទ្ធផលនៃវគ្គសង្ឃាភិបាលបណ្តុះបណ្តាលមន្ត្រីសង្ឃ របស់ សម្តេចព្រះមង្គលមុនីរង្សី ហ៊ូ ឈីវនាថ ព្រះប្រធានលេខាធិការដ្ឋានគណៈសង្ឃនាយក គណៈមហានិកាយ នៃព្រះរាជាណាចក្រកម្ពុជា ​និងព្រះរាជសង្កថារបស់សម្ដេចព្រះមហាសុមេធាធិបតី កិត្តិបណ្ឌិត អំ លីមហេង បានបង្ហាញថា ការរៀបចំវគ្គសង្ឃាភិបាលបណ្តុះបណ្តាលមន្ត្រីសង្ឃជំនាន់ទី២ វគ្គ១ នេះ ប្រារព្ធឡើងក្នុងគោលបំណងដើម្បីពង្រឹងនិងពង្រីកចំណេះដឹង ចំណេះធ្វើ និងសមត្ថភាពជាក់លាក់ដល់ព្រះមន្ត្រីសង្ឃគ្រប់លំដាប់ថ្នាក់ ក្នុងការអនុវត្តភារកិច្ចការងាររដ្ឋបាល និងការគ្រប់គ្រងកិច្ចការសង្ឃ ទាំងផ្នែកធម៌ វិន័យ