柬埔寨2026年高考开考 家长赴考场陪考送温暖

លោក សំណាង៖ កូនខំប្រឹងរៀន១២ឆ្នាំ អុីចឹងខ្ញុំត្រូវតែមកលើកទឹកចិត្តគាត់ តាខ្មៅ៖ លោក មួង សំណាង អ្នកស្រុកស្អាងផ្អាកការងារចម្ការ មកលើកទឹកចិត្ត កូនប្រឡងបាក់ឌុបឆ្នាំ ២០២៦ ថ្ងៃទី១០-១១ សីហា ដល់ក្រុងតាខ្មៅ។ បុរសរស់នៅឃុំតាលន់ បានអះអាងថាទោះការងាររវល់ក៏ត្រូវតែផ្អាកបន្តិច មកទន្ទឹងរង់ចាំ ហូបបាយ និងជួយជាកម្លាំងចិត្តដល់កូនស្រី យុវតី អុីឆាយ និងក្មួយៗ ព្រោះថាពួកគេ បានខំប្រឹងរៀនសូត្រពេល ១២ឆ្នាំរួចមក។ យុវតី អុីឆាយ ជាបេក្ខជនមកពីវិទ្យាល័យ ឈូងលាភ សង្កាត់រកាខ្ពស់ ហើយត្រូវមកប្រឡងនៅមណ្ឌលវិទ្យាល័យ ហ៊ុន សែន តាខ្មៅ ក្នុងក្រុងតាខ្មៅ។ លោក មួង សំណាងសង្ឃឹមថា កូនស្រីនឹងធ្វើបានល្អពេលបំពេញសន្លឹកកិច្ចការ ព្រមទាំងប្រឡងជាប់បាក់ឌុបឆ្នាំ២០២៦ នេះផងដែរ។ លោក សំណាង បន្តថាការលើកទឹកចិត្តកូនពេលប្រឡងជារឿងដែលសំខាន់បំផុត ព្រោះកម្លាំងចិត្តពីឪពុកម្តាយ ឬសាច់ញាតិ នឹងជួយឱ្យបេក្ខជនបាត់ភាពភ័យខ្លាច គ្មានសម្ភាធ និងអាចតាំងចិត្តបានល្អពេលប្រឡង។ ដោយ៖ ជា យូគៀង #បាក់ឌុប២០២៦ #BaccII2026 #ThmeyThmey #ThmeyThmey25 #Cambodianess #angkorinfo