西港飙车党追尾致1死 警方逮捕3名涉案人员

ក្រុងកំពង់សោម -ដោយអនុវត្តតាមអនុសាសន៍ដឹកនាំ និងការចង្អុលណែនាំរបស់ ឯកឧត្តម ឧត្តមសេនីយ៍ឯក ស រដ្ឋា អគ្គស្នងការរង និងជាស្នងការនគរបាលខេត្តព្រះសីហនុ និងតាមការណែនាំពីលោកឧត្តមសេនីយ៍ត្រី ណុប បញ្ញា ស្នងការរងទទួលផែនការងារព្រហ្មទណ្ឌ នគរបាលក្រុងកំពង់សោម បានឃាត់ខ្លួនក្រុមក្មេងទំនើងចំនួន ០៣នាក់ ពាក់ព័ន្ធក្នុងករណី បើកបរម៉ូតូ​ប្រណាំងប្រដេញគ្នាតាមដងផ្លូវសាធារណៈ បង្កឱ្យមានគ្រោះថ្នាក់ចរាចរណ៍ បុករថយន្តពីក្រោយ បណ្តាលឱ្យស្លា.ប់មនុស្ស១នាក់ក្នុងចំណោមបក្សពួក ៤នាក់។ កាលពីយប់ថ្ងៃទី៩ ខែសីហា ឆ្នាំ២០២៦​ វេលាម៉ោង២១ និង៤៣នាទី ស្ថិតនៅលើមហាវិថីឆ្នេររាម ភូមិអុង សង្កាត់រាម ក្រុងកំពង់សោម ខេត្តព្រះសីហ​នុ មានក្មេងទំនើង ១ក្រុម មានគ្នាចំនួន៤នាក់ ជិះម៉ូតូចំនួន៤គ្រឿង បានធ្វើសកម្មភាព បើកបរម៉ូតូ ប្រណាំងប្រដេញគ្នា បង្កឱ្យមានគ្រោះថ្នាក់ចរាចរណ៍បណ្តាលឱ្យបក្សពួក១នាក់ ឈ្មោះ​ ធី ធារ៉ា ភេទប្រុស អាយុ១៨ឆ្នាំ​ (មុខរបរដឹកម្ហូប) ស្នាក់នៅភូមិ២សង្កាត់២ (ស្លាប់​នៅកន្លែងកើតហេតុ) បន្ទាប់ពីបុកគូថរថយន្តពីក្រោយ ក្នុងទិសដៅស្របគ្នា។