洪玛尼主持第23届东盟公务会议 推动区域公共服务创新

ឧបនាយករដ្ឋមន្ត្រី ហ៊ុន ម៉ានី រដ្ឋមន្ត្រីក្រសួងមុខងារសាធារណៈ បានលើកឡើងពីសមិទ្ធផល និងការរួមចំណែករបស់កម្ពុជា ក្នុងតួនាទីជាប្រធានប្តូរវេន និងម្ចាស់ផ្ទះកិច្ចប្រជុំកិច្ចសហប្រតិបត្តិការអាស៊ាន ស្តីពីកិច្ចការមុខងារសាធារណៈលើកទី២៣ (23rd ACCSM)។ លោកបានបញ្ជាក់ថា កម្ពុជាបានដើរតួនាទីជាស្ពានភ្ជាប់ក្នុងដំណាក់កាលផ្លាស់ប្តូរសំខាន់ ដោយបន្តរក្សាសមិទ្ធផលពីផែនការការងារ ២០២១-២០២៥ និងជំរុញការរៀបចំផែនការថ្មីសម្រាប់ឆ្នាំ២០២៦-២០៣០ ស្របតាមចក្ខុវិស័យសហគមន៍អាស៊ានឆ្នាំ២០៤៥។ ក្រោមការដឹកនាំរបស់កម្ពុជា ប្រទេសសមាជិកអាស៊ានបានពិនិត្យលទ្ធផលការងារ និងកសាងទិសដៅសហប្រតិបត្តិការថ្មី ដោយផ្តោតលើការលើកកម្ពស់ប្រសិទ្ធភាព និងគណនេយ្យភាពនៃវិស័យមុខងារសាធារណៈ។ កម្ពុជាក៏បានជំរុញមូលបទ «នវានុវត្តន៍សម្រាប់ការផ្តល់សេវាសាធារណៈឱ្យកាន់តែប្រសើរឡើង» ឱ្យក្លាយជារបៀបវារៈតំបន់ និងផ្តួចផ្តើមសេចក្តីថ្លែងការណ៍អាស៊ានពាក់ព័ន្ធនឹងការជំរុញនវានុវត្តន៍ក្នុងសេវាសាធារណៈ។ ការធ្វើជាប្រធាន និងម្ចាស់ផ្ទះកិច្ចប្រជុំ បានបង្ហាញពីសមត្ថភាពដឹកនាំរបស់កម្ពុជា ពង្រឹងកិច្ចសហប្រតិបត្តិការអាស៊ាន ព្រមទាំងផ្សព្វផ្សាយសក្តានុពលទេសចរណ៍សៀមរាប និងកម្ពុជាលើឆាកអន្តរជាតិ។ [**Join AMS One-minute**](https://t.me/ams1minute)