西哈努克省妇女儿童事务咨询委员会承诺强化社会问题干预效率

[来源: 柬埔寨国家电视台] [分类提示: NEWS] 标题: គណៈកម្មាធិការពិគ្រោះយោបល់កិច្ចការស្ត្រី និងកុមារ ខេត្តព្រះសីហនុ ប្តេជ្ញាពង្រឹងកិច្ចអន្តរាគមន៍ដោះស្រាយបញ្ហាសង្គមឱ្យកាន់តែមានប្រសិទ្ធភាព ខេត្តព្រះសីហនុ៖ ព្រឹកថ្ងៃទី២៣ ខែមេសា ឆ្នាំ២០២៦ នៅសាលប្រជុំក្រុមប្រឹក្សាខេត្ត គណៈកម្មាធិការពិគ្រោះយោបល់កិច្ចការស្ត្រី និងកុមារ (គ.ក.ស.ក) ខេត្តព្រះសីហនុ បានរៀបចំកិច្ចប្រជុំសាមញ្ញលើកទី២១ នៃអាណត្តិទី៤ របស់គណៈ កម្មាធិការពិគ្រោះយោបល់កិច្ចការស្ត្រី និងកុមារ ខេត្តព្រះសីហនុ (អាណត្តិទី៤) ដឹកនាំដោយលោកជំទាវ យុឹង សុឃឿន អនុប្រធានគណៈកម្មាធិការពិគ្រោះយោបល់កិច្ចការស្ត្រី និងកុមារ ខេត្តព្រះសីហនុ ដើម្បីត្រួតពិនិត្យលទ្ធផលការងារប្រចាំខែមេសា និងកំណត់ទិសដៅយុទ្ធសាស្ត្រសម្រាប់ខែបន្ត។ កិច្ចប្រជុំបានផ្តោតលើការពិនិត្យកំណត់ហេតុប្រជុំលើកទី២០ របាយការណ៍លទ្ធផលការងារប្រចាំខែ និងការស្តាប់របាយការណ៍អំពីស្ថានភាពបញ្ហាប្រឈម ដំណោះស្រាយ ការឆ្លើយតប ក៏ដូចជាសំណូមពរផ្សេងៗ ដែលពាក់ព័ន្ធនឹងស្ត្រី និងកុមារនៅតាមមន្ទីរ អង្គភាព និងតាមបណ្តាក្រុង-ស្រុកក្នុងខេត្ត។ ក្នុងឱកាសនោះ លោកជំទាវ ប្រធានអង្គប្រជុំបានដាក់ចេញនូវអនុសាសន៍ និងទិសដៅការងារសំខាន់ៗដូចខាងក្រោម៖ • ការពង្រឹងការដោះស្រាយពីមូលដ្ឋាន៖ ជំរុញឱ្យថ្នាក់ដឹកនាំរដ្ឋបាល ក្រុង ស្រុក ឃុំ សង្កាត់ មន្ទីរសង្គមកិច្ច និងអង្គការដៃគូទាំងអស់ ត្រូវយកចិត្តទុកដាក់ខ្ពស់ក្នុងការពិនិត្យរាល់មតិយោបល់ និងបញ្ហាប្រឈម ដោយត្រូវស្វែងរកដំណោះស្រាយសមស្រប និងជួយសម្របសម្រួលការងារឱ្យបានទាន់ពេលវេលា។ • ការបង្កើនប្រសិទ្ធភាពសេវាសង្គម៖ ទាមទារឱ្យអាជ្ញាធរមូលដ្ឋានលើកយកបញ្ហាប្រឈមមកដោះស្រាយនៅថ្នាក់ក្រុង-ស្រុកឱ្យបានចប់សព្វគ្រប់ មុននឹងស្នើសុំការដោះស្រាយបន្ថែមនៅថ្នាក់ខេត្ត ដើម្បីធានាបាននូវប្រសិទ្ធភាពខ្ពស់ក្នុងការគាំទ្រ និងដោះស្រាយករណីស្ត្រី និងកុមាររងគ្រោះ ឬរងការយាយីនៅក្នុងសហគមន៍។ • ក