金边坎托克分区疑似存在非法烟草加工点 居民呼吁当局彻查

ពលរដ្ឋសង្ស័យមានទីតាំងផលិតបារីខុសច្បាប់មួយកន្លែង កំពុងដំណើរការយ៉ាងរលូនក្នុងខណ្ឌកំបូល ចង់ឱ្យអាជ្ញាធរចុះពិនិត្យ ================ ​[ភ្នំពេញ] ប្រជាពលរដ្ឋបានសម្តែងនូវការព្រួយបារម្ភ និងដាក់ការសង្ស័យលើទីតាំងសិប្បកម្មផលិតបារីមួយកន្លែង ដែលគេជឿថាអាចជាការផលិតដោយគ្មានច្បាប់អនុញ្ញាត ស្ថិតក្នុងភូមិស្រែក្នុង សង្កាត់កន្ទោក ខណ្ឌកំបូល រាជធានីភ្នំពេញ។ ​យោងតាមប្រភពព័ត៌មានពីប្រជាពលរដ្ឋក្នុងមូលដ្ឋានដែលបានរាយការណ៍មកថា ۔۔កាលពីថ្ងៃទី១២ ខែឧសភា ឆ្នាំ២០២៦ បានឱ្យដឹងថា ទីតាំងខាងលើមានម្ចាស់ជាជនជាតិចិន និងកំពុងដំណើរការផលិតយ៉ាងសកម្ម។ អ្វីដែលធ្វើឱ្យមហាជនដាក់ការសង្ស័យនោះគឺ ទីតាំងនេះហាក់កំពុងដំណើរការដោយភាពអាថ៌កំបាំង និងមិនទាន់ឃើញមានការចុះត្រួតពិនិត្យ ឬរំខានពីសំណាក់អាជ្ញាធរមានសមត្ថកិច្ចនៅឡើយ។ ​ពាក់ព័ន្ធនឹងករណីនេះ ប្រជាពលរដ្ឋបានលើកឡើងនូវសំណូមពរយ៉ាងទទូចដល់ លោក ឃឹម ស៊ុនសូដា អភិបាលនៃគណៈអភិបាលខណ្ឌកំបូល ក៏ដូចជា លោកវីរៈសេនីយ៍ឯក ហុង ពិសិដ្ឋ អធិការនគរបាលខណ្ឌកំបូល និងមន្ត្រីជំនាញពាក់ព័ន្ធ មេត្តាជួយចាត់វិធានការចុះត្រួតពិនិត្យ និងស្វែងរកការពិតជុំវិញអាជីវកម្មមួយនេះ ដើម្បីធានាបាននូវតម្លាភាព សុវត្ថិភាពសង្គម និងការអនុវត្តច្បាប់ឱ្យបានត្រឹមត្រូវ។