伊朗致信联合国谴责美军袭击 局势持续紧张

អ៊ីរ៉ង់ថ្កោលទោសការវាយប្រហាររបស់អាមេរិកនៅក្នុងលិខិតផ្ញើទៅក្រុមប្រឹក្សាសន្តិសុខUN ============= ឯកអគ្គរដ្ឋទូតអ៊ីរ៉ង់ប្រចាំអង្គការសហប្រជាជាតិ(UN) លោកAmir Saeid Iravani បានថ្កោលទោសការវាយ​ប្រហារជាបន្តបន្ទាប់របស់អាមេរិក នៅក្នុងលិខិតមួយច្បាប់​ផ្ញើជូនក្រុមប្រឹក្សាសន្តិសុខ និងអគ្គលេខាធិការ​អង្គការ​សហប្រជាជាតិ។ ប្រមុខការទូតអ៊ីរ៉ង់រូបនេះ បាននិយាយ​ថា អាមេរិកបានរំលោភយ៉ាងច្បាស់លើធម្មនុញ្ញអង្គការ​សហប្រជាជាតិ និងកាតព្វកិច្ចអន្តរជាតិជាថ្មីម្តងទៀត ដោយ​ចាប់ផ្តើមនិងបន្តការវាយប្រហារដោយយោធាទ្រង់​ទ្រាយធំ ប្រឆាំងនឹងអធិបតេយ្យភាពនិងបូរណភាពទឹក​ដីរបស់សាធារណរដ្ឋអ៊ិស្លាមអ៊ីរ៉ង់។ លោកបានចង្អុល​បង្ហាញ​ពីការវាយប្រហាររបស់អាមេរិក ដែលផ្តោតលើ​ទីតាំង​នានានៅភាគខាងត្បូងប្រទេសអ៊ីរ៉ង់ រួមទាំ​ងBushehr និងកោះនានាក្នុងឈូងសមុទ្រPersian។ អាមេរិកបានបើកការវាយប្រហារជុំថ្មីលើប្រទេសអ៊ីរ៉ង់ ក្រោយលោកដូណាល់ ត្រាំប្រធានាធិបតីអាមេរិក បានប្រកាសបញ្ចប់កិច្ចព្រមព្រៀងឈប់បាញ់បណ្តោះអាសន្នជាមួយអ៊ីរ៉ង់ និងបញ្ជាឱ្យវាយប្រហារនៅថ្ងៃពុធទី០៨​ខែកក្កដាឆ្នាំ២០២៦។ ============= [🌐អានព័ត៌មាន ](https://vayofm.com/news/detail/144550-957.html) [**👉Facebook**](https://www.facebook.com/vayofm)** **[**👉Telegram**](https://t.me/vayofm)** **[** 👉TikTok 👉**](https://www.tiktok.com/@vayofmradio?_t=8qP0w6MsZfe&_r=1)[**YouTube **](https://www.youtube.com/@vayofm105)**👉**[**IOS 👉**](https://apps.apple.com/us/app/vayo-fm-radio/id993070474)[**Android**](https://play.google.com/store/apps/details?id=com.vayofm.bunsorng.vayoapp)