2026年9月2日，柬埔寨第99运输旅旅长慰问驻守柬泰边境的

ទឹកចិត្តមេបញ្ជាការ ជាកម្លាំងចិត្តកងទ័ពជួរមុខ ជាថ្មីម្តងទៀត ក្នុងស្មារតីយកចិត្តទុកដាក់ចំពោះសុខទុក្ខ និងជីវភាពរបស់កងទ័ព នាថ្ងៃទី២ ខែកញ្ញា ឆ្នាំ២០២៦ ឧត្តមសេនីយ៍ទោ ហ៊ុល សំអុន មេបញ្ជាការ កងពលតូចដឹកជញ្ជូនលេខ៩៩ បានអញ្ជើញចុះសួរសុខទុក្ខ ពិនិត្យស្ថានភាពជាក់ស្តែង និងនាំយកគ្រឿងឧបភោគបរិភោគ ព្រមទាំងថវិកាឧបត្ថម្ភ ប្រគល់ជូនកងទ័ពដែលកំពុងឈរជើងបំពេញភារកិច្ចតាមបន្ទាត់ព្រំដែនកម្ពុជា-ថៃ។ ដំណើរចុះជួបដោយផ្ទាល់នេះ មិនត្រឹមតែជាការសួរសុខទុក្ខប៉ុណ្ណោះទេ ប៉ុន្តែជាការបង្ហាញពី ទឹកចិត្តយកចិត្តទុកដាក់របស់មេបញ្ជាការ ចំពោះកូនចៅដែលកំពុងលះបង់កម្លាំងកាយ កម្លាំងចិត្ត និងពេលវេលា ដើម្បីបំពេញភារកិច្ចការពារជាតិ និងបូរណភាពទឹកដី។ ក្នុងឱកាសនោះ លោកមេបញ្ជាការ បានសម្តែងការកោតសរសើរចំពោះស្មារតីស្នេហាជាតិ ភាពអត់ធ្មត់ ការលះបង់ និងវិន័យរបស់កងទ័ព ព្រមទាំងក្រើនរំលឹកឱ្យបន្ត គោរពបទបញ្ជា រក្សាសាមគ្គីភាព បង្កើនការប្រុងប្រយ័ត្ន និងត្រៀមខ្លួនជានិច្ច ក្នុងការអនុវត្តភារកិច្ចដែលថ្នាក់លើប្រគល់ជូន។ ឆ្លៀតក្នុងឱកាសនោះដែរ ឧត្តមសេនីយ៍ទោ ហ៊ុល សំអុន ក៏បានក្រើនរំលឹកដល់កងទ័ពទាំងអស់ដាច់ខាតផឹកស្រា ប្រើប្រាស់គ្រឿងស្រវឹងក្នុងពេលបំពេញភារៈកិច្ច និងអំពើដែលអាចប៉ះពាល់ដល់ស្មារតី ប្រុងប្រយ័ត្ន និងសុវត្ថិភាពក្នុងពេលបំពេញភារកិច្ច ព្រោះនៅជួរមុខ វិន័យ និងការប្រុងប្រយ័ត្ន គឺជាកត្តាសំខាន់បំផុត។ លើសពីនេះ កងទ័ពគ្រប់រូបត្រូវប្រកាន់ខ្ជាប់នូវស្មារតី ស្មោះត្រង់ចំពោះជាតិ សាសនា ព្រះមហាក្សត្រ គោរពរដ្ឋធម្មនុញ្ញ និងបទបញ្ជារបស់ថ្នាក់លើ ព្រមទាំងបន្តបំពេញតួនាទីរបស់ខ្លួនដោយស្មោះត្រង់ មិនរួញរា និងមានការទទួលខុសត្រូវ។ រាល់ការចាប់ដៃ ការសួរសុខទុក្ខ អំណោយ និងថវិកាឧបត្ថម្ភ គឺជាកម្លាំងចិត្តដ៏មានតម្លៃ ដែលបញ្ជាក់ថា ឥតកងទ័ពជួរមុខមិនដែលឈរតែម្នាក់ឯងឡើយ ព្រោះនៅពីក្រោយពួកគេ មានមេបញ្ជាការ អង្គភាព និងបងប្អូនរួមអាវុធ ដែលតែងតែយកចិត្តទុកដាក់ និងជាបង្អែកគ្រប់ពេលវេលា។ កងពលតូចដឹកជញ្ជូនលេខ៩៩ គោរពបទបញ្ជា រក្សាវិន័យ ស្មោះត្រង់ចំពោះ ជាតិ សាសនា ព្រះមហាក្សត្រ និងប្តេជ្ញាបំពេញភារកិច្ចដោយមិនរាថយ៕