金边少女车祸身亡案辟谣 警方证实非抢劫系单方事故

ភ្នំពេញ៖ បន្ទាប់ពីមានការភ្ញាក់ផ្អើលលើបណ្ដាញសង្គមជុំវិញករណីយុវតីម្នាក់ជួបគ្រោះថ្នាក់ចរាចរណ៍បណ្ដាលឱ្យស្លាប់ ហើយម៉ូតូត្រូវបាត់ពីកន្លែងកើតហេតុ ពេលនេះសមត្ថកិច្ចបានរកឃើញម៉ូតូវិញហើយ។ ករណីនេះមិនមែនជាករណីប្លន់​នោះទេ ពោលគឺយុវតីរងគ្រោះបានជួបគ្រោះថ្នាក់ចរាចរណ៍ដោយខ្លួនឯង គឺបេីកម៉ូតូបុកខឿនរួចដួល។ បន្ទាប់ពីទទួលបានព័ត៌មានភ្លាមៗលោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានបញ្ជាឱ្យកម្លាំងនគរបាលនាញបើកការស្រាវជ្រាវ ដើម្បីស្វែងរកមូលហេតុពិតប្រាកដ។ បន្ទាប់ពីការស្រាវជ្រាវ លោកឧត្តមសេនីយ៍ឯក ជួន ណារិន្ទ បានបញ្ជាក់ប្រាប់បណ្តាញព័ត៌មាន នៅយប់ថ្ងៃទី១ ខែកញ្ញា ឆ្នាំ២០២៦ថា ករណីនេះ ជាករណីគ្រោះថ្នាក់ចរាចរណ៍បង្កឡើងដោយខ្លួនឯង​ គឺយុវតីរងគ្រោះបានបើកម៉ូតូឡើងលើខឿនផ្លូវ​បណ្តាលឱ្យដួលបោកនឹងខឿនផ្លូ​វ។ បន្ទាប់មកមានប្រជាពលរដ្ឋធ្វើដំណើរតាមដងផ្លូវប្រទះឃើញ ហេីយបុរសម្នាក់ចេះយកអាសាបានយកយុវតីរងគ្រោះបញ្ជូនទៅមន្ទីរពេទ្យ​ ហេីយម៉ូតូត្រូវបុរសរូបនេះ យកទៅផ្ញើនៅមន្ទីរពេទ្យអង្គឌួង ដើម្បីទុកប្រគល់ជូនក្រុមគ្រួសារយុវតីរងគ្រោះវិញ ព្រមទាំងដាក់កាតគ្រីម៉ូតូរបស់ខ្លួន និងអត្តសញ្ញាណបណ្ណសុំឲ្យគ្រូពេទ្យជួយសង្គ្រោះនាង តែដោយសាររបួសធ្ងន់ក៏បណ្តាលឲ្យស្លាប់។ លោកឧត្តមសេនីយ៍ឯក ជួន ណារិន្ទ បានបញ្ជាក់ថា ចំពោះករណីនេះមិនមែនជាករណីប្លន់ ឬក៏មិនមែនជាករណីផ្សេងដូចការផ្សព្វផ្សាយលើបណ្តាញសង្គមនោះទេ​ ពោលគឺជាករណីគ្រោះថ្នាក់ចរាចរណ៍ខ្លួនឯងបណ្តាលឱ្យស្លាប់ ហើយម៉ូតូក៏បានរកឃើញវិញដែលដោយផ្ញើទុកនៅមន្ទីរពេទ្យព្រះអង្គឌួង។ ជាការលើកទឹកចិត្តដល់បុរសម្នាក់ឈ្មោះ កែវ រតនា ដែលចេះជួយយកអាសាគ្នាពេល​ជួបគ្រោះថ្នាក់លើដងផ្លូវ ទាំងដែលមនុស្សមិនដែលស្គាល់គ្នានោះ លោកឧត្តមសេនីយ៍ឯក ជួន ណារិន្ទ បានឧបត្ថម្ភថវិកា ១លានរៀល ជាការលើកទឹកចិត្ត។ ជាមួយគ្នានេះលោកឧត្តមសេនីយ៍ស្នងការ បានចូលរួមសោកស្តាយ ព្រមទាំងរំលែកនូវមរណទុក្ខចំពោះយុវតីរងគ្រោះ និងសាច់ញាតិ ដែលបាត់បង់កូនស្រីជាទីស្រឡាញ់ ដោយសារតែគ្រោះថ្នាក់ចរាចរណ៍។ គួរឱ្យដឹងថា យុវតីរងគ្រោះបានជួបគ្រោះថ្នាក់ចរាចរណ៍នៅលើផ្លូវនរោត្តម ផ្លូវ១៤៨ ជាប់កែង សាលាបឋមសិក្សាព្រះនរោត្តម កាលពីថ្ងៃទី៣១ ខែសីហា ឆ្នាំ២០២៦៕ ព័ត៌មានរហ័សថ្មីៗ HOTNEWS ទទួលព័ត៌មានពីប្រជាពលរដ្ឋគ្រប់មជ្ឈដ្ឋាន https://t.me/cambodianews12 https://t.me/Cambodainew123 https://www.facebook.com/share/19G4XsyY5o/ ទំនាក់ទំនងផ្សព្វផ្សាយពានិជ្ជកម្មផ្សេងៗ 0717095001 @NGINSOKHUN