国家审计局将对新闻部进行2025年度财务审计

[来源: 柬埔寨国家电视台] [分类提示: NEWS] 标题: លោកជំទាវ ទេស ផល្លីន និងឯកឧត្តម ឡុង អាទិច្ចបូរា បានជួបប្រជុំគ្នាដើម្បីត្រៀមចុះធ្វើសវនកម្មរបាយការណ៍ហិរញ្ញវត្ថុក្រសួងព័ត៌មាន ឆ្នាំ២០២៥ និងបណ្តាឆ្នាំពាក់ពន្ធ័ ភ្នំពេញ៖ លោកជំទាវ ទេស ផល្លីន អគ្គលេខាធិការនៃអគ្គលេខាធិការដ្ឋានក្រសួងព័ត៌មាន និងឯកឧត្តម ឡុង អាទិច្ចបូរា អគ្គលេខាធិការនៃអាជ្ញាធរសវនកម្មជាតិ បានជួបប្រជុំគ្នាដើម្បីត្រៀមចុះធ្វើសវនកម្មលើរបាយការណ៍ហិរញ្ញវត្ថុរបស់ក្រសួងព័ត៌មាន សម្រាប់ការិយបរិច្ឆេទឆ្នាំ២០២៥ និងបណ្តាឆ្នាំពាក់ព័ន្ធ នាព្រឹកថ្ងៃទី៦ ខែសីហា ឆ្នាំ២០២៦ នៅទីស្តីការក្រសួងព័ត៌មាន។ កិច្ចប្រជុំនេះមានការចូលរួមពីថ្នាក់ដឹកនាំ អគ្គនាយករង អគ្គនាយិការង ប្រធាននាយកដ្ឋាន ប្រធានអង្គភាព មន្ត្រីទទួលបន្ទុកហិរញ្ញវត្ថុនៃក្រសួងព័ត៌មាន និងប្រតិភូអាជ្ញាធរសវនកម្មជាតិ ដើម្បីសម្របសម្រួលការងារ និងត្រៀមលក្ខណៈឱ្យដំណើរការសវនកម្មប្រព្រឹត្តទៅដោយរលូន មានប្រសិទ្ធភាព និងស្របតាមនីតិវិធី។ ក្នុងកិច្ចប្រជុំ ឯកឧត្តម ឡុង អាទិច្ចបូរា បានបញ្ជាក់ថា ការធ្វើសវនកម្មមានគោលបំណងផ្តល់ការធានាអះអាងប្រកបដោយហេតុផលសមស្របថា របាយការណ៍ហិរញ្ញវត្ថុរបស់ក្រសួងព័ត៌មាន មិនមានកំហុសឆ្គងជាសារវន្ត មិនថាកើតឡើងដោយចេតនា ឬអចេតនានោះទេ។ ទន្ទឹមនឹងនេះ ឯកឧត្តមក៏បានបញ្ជាក់ថា ការធ្វើសវនកម្មមិនអាចធានាបានថា នឹងរកឃើញរាល់កំហុសឆ្គងជាសារវន្តទាំងអស់ដែលអាចកើតមាននោះឡើយ។ ឯកឧត្តមបានបន្ថែមថា ក្រុមការងារសវនកម្មនឹងពិនិត្យ និងវាយតម្លៃលើវឌ្ឍនភាពនៃការអនុវត្តតាមអនុសាសន៍សវនកម្មកន្លងមក ព្រមទាំងពិនិត្យចំណុចខ្វះខាតនៃប្រព័ន្ធត្រួតពិនិត្យផ្ទៃក្នុង ដើម្បីផ្តល់អនុសាសន៍កែលម្អ សំដៅពង្រឹងតម្លាភាព គណនេយ្យភាព និងប្រសិទ្ធភាពនៃការគ្រប់គ្រងហិរញ្ញវត្ថុសាធារណៈរបស់ក្រសួងព័ត៌មាន។ លោកជំទាវ ទេស ផល្លីន បានសម្តែងការស្វាគមន៍ចំពោះក្រុមការងារអាជ្ញាធរសវនកម្មជាតិ និងបានបញ្ជាក់ថា ក្រសួងព័ត៌ម