瓦林县红土路受损修复 UYFC联合当地政府开展救援

នាថ្ងៃចន្ទ ២រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៨ ខែកញ្ញា ឆ្នាំ២០២៦ ក្រោមការដឹកនាំ និងចង្អុលបង្ហាញរបស់លោក ឡុង ប៊ុនហោ ប្រធានកិត្ដិយសក្រុមការងារសហភាពសហព័ន្ធយុវជនកម្ពុជាខេត្ដចុះមូលដ្ឋានស្រុកវ៉ារិន ក្នុងវិធានការជួយសម្រួលផ្លូវដីក្រហមកុំឱ្យច្រោះដាច់នៅចំណុចផ្លូវដីក្រហមភូមិគោកវត្ដ ឃុំស្រែណូយ ស្រុកវ៉ារិន លោក ប៊ុត វិបុល ប្រធាន សហភាពសហព័ន្ធយុវជនកម្ពុជាស្រុកវ៉ារិន ដឹកនាំក្រុមការងារសហភាពសហព័ន្ធយុវជនកម្ពុជាស្រុក ឃុំ  សហការជាមួយរដ្ឋបាលស្រុក កម្លាំងអធិការនគរបាលស្រុក អាជ្ញាធរឃុំ ភូមិគោកវត្ដ ស្រែសមុទ្រ និងភូមិល្វា ប៉ុស្ដិ៍រដ្ឋបាលឃុំស្រែណូយ នាយក លោកគ្រូ អ្នកគ្រូ សាលាបឋមសិក្សាល្វា រួមជាមួយបងប្ទូនប្រជាពលរដ្ឋ  ចូលរួមសរុបចំនួន ៦៤នាក់ ដើម្បីធ្វើការរៀបចំច្រកដីបិទទប់នៅចំណុចដែលជិតច្រោះដាច់ ដោយកម្លាំងទឹកជំនន់ជន់លិច ក្នុងការសម្រួលឱ្យបងប្អូនប្រជាពលរដ្ឋអាចធ្វើដំណើរឆ្លងកាត់បាន។ •ក្នុងការរៀបចំនេះយើងបានប្រើប្រាស់នូវសម្ភារៈ ធនធានក្រោមការឧបត្ដម្ភដូចខាងក្រោម៖ មន្ទីរអភិវឌ្ឍន៍ជបទបានឧបត្ថម្ភថ្ម ចំនួន ០១ឡាន ដឹកជញ្ជូនដីក្រហមចំនួន ០៣ឡាន ស្មើនឹង ២៤គីប ឧបត្ដម្ភដោយលោក ទី ហឿយ សមាជីក ស.ស.យ.ក.ស្រុក ប្រើប្រាស់ការ៉ុងច្រកដីចំនួន ៣០០ការ៉ុង  ដែលមានការឧបត្ដម្ភដោយ លោក រ័ត្ន សីហា សមាជិក ស.ស.យ.ក. ស្រុក ចំនួន ១០០ការ៉ុង លោក យ៉ត ហៃ សមាជិក ស.ស.យ.ក.ស្រុក  ចំនួន ១០០ការ៉ុង   និងបងប្អូនប្រជាពលរដ្ឋាចំនួន ១០០ការ៉ុង ទឹកសុទ្ធចំនួន ៣០យួរ ឧបត្ដម្ភដោយលោក អេន សុក សប្បុរសជនភូមិល្វា ។ សូមគោរពអរគុណ🙏