柬埔寨中国签地震监测协议 2027年建首批监测站

**កម្ពុជា-ចិនចុះកិច្ចព្រមព្រៀងបង្កើតបណ្តាញតាមដាន​និងត្រួត​ពិនិត្យ​សកម្មភាព​​​រញ្ជួយដី​​នៅក្នុងប្រទេសកម្ពុជា!** ============= អគ្គនាយកដ្ឋានធនធានរ៉ែ នៃក្រសួងរ៉ែនិងថាមពលកម្ពុជា និងទីភ្នាក់ងាររញ្ជួយដីខេត្តក្វាងទុងប្រទេសចិន(Guangdong Earthquake Agency) បានចុះកិច្ចព្រមព្រៀងសហប្រតិបត្តិការ ស្តីពី “ការបង្កើតបណ្តាញតាមដាន និងត្រួតពិនិត្យសកម្មភាពរញ្ជួយដីនៅក្នុងប្រទេសកម្ពុជា”។ ការចុះកិច្ចព្រមព្រៀងនេះធ្វើឡើងកាលពីថ្ងៃទី៥ ខែវិច្ឆិកា ឆ្នាំ២០២៦ នៅទីក្រុងណាននីង ខេត្ដក្វាងស៊ី ប្រទេសចិន។​ បើតាមលោក អុឹង ឌីប៉ូឡា អគ្គនាយកនៃអគ្គនាយកដ្ឋានធនធានរ៉ែ​ បានបញ្ជាក់ថា ជាជំហានដំបូងនៅក្នុងឆ្នាំ២០២៧នឹងមានការដំឡើងស្ថានីយតាមដានការរញ្ជួយដីឱ្យបាន៥ទីតាំងនៅក្នុងប្រទេសកម្ពុជា ដោយក្នុងនោះមាននៅរាជធានីភ្នំពេញ ខេត្តព្រះសីហនុ ខេត្តសៀមរាប ខេត្តកំពង់ស្ពឺ និងខេត្តរតនគិរី។ បន្ទាប់មកនឹងបន្ដដំឡើងបន្ថែមនៅតាមបណ្ដាខេត្ដមួយចំនួនទៀត និងឈានទៅដំឡើងប្រព័ន្ធប្រកាសអាសន្នដើម្បីកាត់បន្ថយហានិភ័យផងដែរ។ ============= [🌐](https://vayofm.com/news/detail/146160-903.html)[អានព័ត៌មាន](https://vayofm.com/news/detail/146164-542.html) [**👉Facebook**](https://www.facebook.com/vayofm) [**👉Telegram**](https://t.me/vayofm)** ** [**👉TikTok**](https://www.tiktok.com/@vayofmradio?_t=8qP0w6MsZfe&_r=1) [**👉**](https://www.tiktok.com/@vayofmradio?_t=8qP0w6MsZfe&_r=1)[**YouTube**](https://www.youtube.com/@vayofm105) **👉**[**IOS**](https://apps.apple.com/us/app/vayo-fm-radio/id993070474) [**👉**](https://apps.apple.com/us/app/vayo-fm-radio/id993070474)[**Android**](https://play.google.com/store/apps/details?id=com.vayofm.bunsorng.vayoapp)