劳工部下属国家就业局（NEA）金边就业中心为50名即将毕业的

NEA បានរៀបចំសិក្ខាសាលាស្តីពី៖ "ការត្រៀមលក្ខណៈសម្បត្តិក្នុងការស្វែងរកការងារ"! ថ្ងៃនេះ មជ្ឈមណ្ឌលការងាររាជធានីភ្នំពេញ របស់ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ បានរៀបចំសិក្ខាសាលាស្តីពី៖ "ការត្រៀមលក្ខណៈសម្បត្តិក្នុងការស្វែងរកការងារ" ជូនដល់និស្សិតដែលត្រៀមបញ្ចប់ការសិក្សានៅពេលខាងមុខ ចំនួន ៥០នាក់។ សិក្ខាសាលានេះ ត្រូវបានរៀបចំឡើងដើម្បីផ្តល់នូវចំណុចគន្លឹះសំខាន់ៗ ដល់សិក្ខាកាមក្នុងការត្រៀមខ្លួនចូលទីផ្សារការងារប្រកបដោយប្រសិទ្ធភាព ដើម្បីឲ្យពួកគាត់អាចទទួលបានការងារកាន់តែឆាប់រហ័សក្រោយទទួលការបណ្តុះបណ្តាលរួច។ NEA នឹងបន្តរៀបចំសិក្ខាសាលាដូចនេះ ដល់សិក្ខាកាមនៅតាមគ្រឹះស្ថានបណ្តុះបណ្តាលទូទាំងរាជធានី-ខេត្ត ព្រមទាំងផ្តល់សេវាផ្គូផ្គង និង ស្វែងរកការងារជូនដល់សិក្ខាកាមផងដែរ៕