楚苏班亚慰问塔多恩边境驻军 捐赠物资强化国防士气

[来源: 柬埔寨国家电视台] [分类提示: NEWS] 标题: ឯកឧត្តម ឈួរ សុបញ្ញា : ខួបមួយឆ្នាំនេះ មិនមែនត្រឹមជាការរំលឹកអតីតកាលទេ ប៉ុន្តែជាការបញ្ចាក់ពីការប្តេជ្ញាចិត្តរបស់កងទ័ព និងប្រជាជាតិខ្មែរ ក្នុងការពារដែនដី និងអធិបតេយ្យភាពជាតិ ឧត្តរមានជ័យ៖ នៅរសៀលថ្ងៃអង្គារ ១០ កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៦ ខែឧសភា ឆ្នាំ២០២៦ ស្របពេលខួបមួយឆ្នាំនៃព្រឹត្តិការណ៍រំលោភបំពានរបស់ថៃមកលើបូរណភាពដែនដីកម្ពុជា ឯកឧត្តម ឈួរ សុបញ្ញា រដ្ឋលេខាធិការក្រសួងធម្មការនិងសាសនា និងជាសមាជិកគណ:កម្មាធិការនាយកពុទ្ធិសមាគមកម្ពុជរដ្ឋបានចុះសួរសុខទុក្ខ និងនាំយកអំណោយជាច្រើន រួមមាន ទឹកសុទ្ធ សាច់គោងៀត សាច់ក្រក ថវិកា និងធុងទឹកចំណុះ ២០០០លីត្រ (អំណោយសម្តេចព្រះធម្មលិខិត បណ្ឌិត សៅរ៍ ចន្ទថុល្ល) ចែកជូនវីរកងទ័ពដែលកំពុងឈរជើងនៅទិសថ្មដូន ខេត្តឧត្តរមានជ័យក្នុងការបន្តស្មារតីសាមគ្គីភាពជាតិ និងការភ្ជាប់ខ្សែរវាង “ជួរក្រោយ និងជួរមុខ” ដែលជាកម្លាំងស្នូលក្នុងការពារបូរណភាពទឹកដី និងអធិបតេយ្យភាពជាតិ។ ក្នុងឱកាសនោះផងដែរ ឯកឧត្តមក៏បាននាំយកនូវការផ្តាំផ្ញើសួរសុខទុក្ខ និងការលើកទឹកចិត្តពីថ្នាក់ដឹកនាំ ព្រមទាំងប្រជាជនជួរក្រោយទាំងមូល ជូនដល់វីរកងទ័ពដែលកំពុងបំពេញបេសកកម្មយ៉ាងអង់អាចនៅតំបន់ព្រំដែន ដោយសូមថ្លែងអំណរគុណ ដឹងគុណ និងកោតសរសើរខ្ពស់ចំពោះវីរភាព ការលះបង់ និងភាពអត់ធ្មត់របស់កងទ័ព ដែលបានការពារជាតិដោយស្មោះត្រង់ និងមិនខ្លាចលំបាក។ ព្រមជាមួយនេះឯកឧត្តមក៏បានជម្រាបជូននូវស្មារតីរបស់យើងទាំងអស់គ្នានៅជួរក្រោយចំពោះវិរៈកងទ័ពយើងដូចខាងក្រោម : ១. បន្តរក្សាស្មារតីក្លាហាន និងស្មោះត្រង់ចំពោះជាតិ ដោយត្រូវបន្តការពារបូរណភាពដែនដី ដោយឈរលើស្មារតីជាតិ និងការទទួលខុសត្រូវខ្ពស់។ ២. រក្សាសាមគ្គីភាព និងវិន័យក្នុងកងទ័ព ព្រោះសាមគ្គីភាព គឺជាគន្លឹះនៃកម្លាំង និងជ័យជំនះ។ ៣. ជឿជាក់លើការដឹកនាំដ៏ត្រឹមត្រូវរបស់ថ្នាក់ដឹកនាំកំពូល