菩萨省计划国道沿线增设旅游宣传牌 提升省内旅游知名度

ឲ្យដូចគម្រោងជោគជ័យអំពូលសូឡា អភិបាលខេត្តពោធិ៍សាត់ គ្រោងរៀបចំផ្ទាំងផ្សព្វផ្សាយតំបន់ទេសចរណ៍តាមផ្លូវជាតិឱ្យលេចធ្លោទូលំទូលាយ ទាក់ទាញទេសចរទៅកម្សាន្ត។ ថ្លែងក្នុងសន្និសីទចំពោះមុខបណ្តាញផ្សព្វផ្សាយពត៌មានប្រមាណ ២០ ស្ថាប័ននៅរសៀលថ្ងៃនេះ លោក ខូយ រីដា អភិបាលខេត្តពោធិ៍សាត់ បានប្រកាសពីគម្រោងរៀបចំនិងកែលម្អផ្ទាំងផ្សព្វផ្សាយតំបន់ទេសចរណ៍នៅតាមបណ្តោយផ្លូវជាតិឲ្យបានទូលំទូលាយ ដើម្បីទាក់ទាញអ្នក ដំណើរឲ្យមើលឃើញពីតំបន់សក្តានុពលទេសចរណ៍ក្នុងខេត្ត។ គំនិតផ្តួចផ្តើមនេះធ្វើឡើងតាមគំរូនៃការរៀបចំបំពាក់អំពូលភ្លើងសូឡាតាមដងផ្លូវ ដែលទទួលបានការសាទរពីអ្នកធ្វើដំណើរ និងថ្នាក់ដឹកនាំកម្ពុជា៕