柬埔寨与缅甸签署四项双边协议 涵盖税务投资及文化

កម្ពុជា-មីយ៉ាន់ម៉ា ចុះហត្ថលេខាលើឯកសារចំនួន៤ លើការលុបបំបាត់ការយកពន្ធត្រួតគ្នា ការវិនិយោគ វប្បធម៌ និងវិស័យព័ត៌មាន សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា នារសៀលថ្ងៃទី១១ ខែកញ្ញា បានចូលរួមជាអធិបតីភាពជាមួយ លោក មីន អោង ឡាំង (Min Aung Hlaing) ប្រធានាធិបតីមីយ៉ាន់ម៉ា ក្នុងពិធីចុះហត្ថលេខាលើឯកសារចំនួន៤ លើការលុបបំបាត់ការយកពន្ធត្រួតគ្នា ការវិនិយោគ វប្បធម៌ និងវិស័យព័ត៌មាន។ ឯកសារចំនួន៤ នោះ មានដូចជា ទី១/កិច្ចព្រមព្រៀងរវាងរាជរដ្ឋាភិបាលកកម្ពុជា និងរដ្ឋាភិបាលមីយ៉ាន់ម៉ា ស្តីពីការលុបបំបាត់ការយកពន្ធត្រួតគ្នាពាក់ព័ន្ធនឹងពន្ធលើប្រាក់ចំណូល និងការបង្ការការគេចវេះពន្ធនិងការចៀសវាងពន្ធ។ ទី២/កិច្ចព្រមព្រៀងរវាងរាជរដ្ឋាភិបាលកម្ពុជា និងរដ្ឋាភិបាលមីយ៉ាន់ម៉ា ស្តីពីការជំរុញ និងការការពារទៅវិញទៅមកនៃវិនិយោគ។ ទី៣/វិសោធនកម្មកិច្ចព្រមព្រៀង ស្តីពីកិច្ចសហប្រតិបត្តិការលើវិស័យវប្បធម៌ រវាងក្រសួងវប្បធម៌ និងវិចិត្រសិល្បៈនៃរាជរដ្ឋាភិបាលកម្ពុជា និងក្រសួងវប្បធម៌, សណ្ឋាគារ និងទេសចរណ៍ នៃ រដ្ឋាភិបាលមីយ៉ាន់ម៉ានិងទី៤អនុស្សរណៈនៃការយោគយល់គ្នា រវាងរដ្ឋាភិបាលកម្ពុជា និងរដ្ឋាភិបាលនៃ មីយ៉ាន់ម៉ា ស្តីពីកិច្ចសហប្រតិបត្តិការលើវិស័យព័ត៌មាន និងប្រព័ន្ធផ្សព្វផ្សាយ។