柬埔寨卫生部召开国家营养计划会议 强化基层医疗培训

កិច្ចប្រជុំពិភាក្សា ស្ដីពីការពិនិត្យ និងតាមដានលើវឌ្ឍនភាព នៃការអនុវត្តការងាររបស់កម្មវិធីជាតិអាហារូបត្ថម្ភ។ —— រាជធានីភ្នំពេញ៖ រសៀលថ្ងៃសុក្រ ទី៣ ខែកក្កដា ឆ្នាំ២០២៦ លោកជំទាវវេជ្ជបណ្ឌិត ប្រាក់ សោភ័ណនារី រដ្ឋលេខាធិការក្រសួងសុខាភិបាល បានអញ្ជើញដឹកនាំកិច្ចប្រជុំពិភាក្សា ដើម្បីពិនិត្យ និងតាមដានលើវឌ្ឍនភាពនៃការអនុវត្តការងារ របស់កម្មវិធីជាតិអាហារូបត្ថម្ភ នៅមជ្ឍមណ្ឌលជាតិគាំពារមាតានិងទារក។ កិច្ចប្រជុំនេះ រៀបចំឡើងរៀងរាល់ ២ខែម្ដង ក្នុងគោលបំណង ពិនិត្យនូវវឌ្ឍនភាព កំណត់បញ្ហាប្រឈមអំឡុងពេលនៃការអនុវត្តការងាររបស់កម្មវិធីជាតិ និងស្វែងរកដំណោះស្រាយរួមគ្នា ដើម្បីបង្កើនប្រសិទ្ធភាពការងារ។ ឆ្លៀតក្នុងឱកាសនេះ លោកជំទាវរដ្ឋលេខាធិការ បានបន្តជម្រុញលើកទឹកចិត្តដល់ក្រុមការងារ និងផ្ដល់នូវអនុសាសន៍ ដូចជា៖ ១.ពង្រឹងបន្ថែមដល់មន្ត្រីមូលដ្ឋានសុខាភិបាល តាមរយៈការបណ្ដុះបណ្ដាលតាមប្រព័ន្ធ zoom ឱ្យបានញឹកញាប់ ២.រាល់ពេលចុះអភិបាល ឬបង្វឹកសូមចុះទៅដល់មូលដ្ឋានសុខាភិបាលណាដែល ការអនុវត្តការងារនៅមានកម្រិត ជាអាទិភាព ៣.ចាត់តារាងអាទិភាពការងារ ដើម្បីពន្លឿនកិច្ចការដែលសេសសល់ ៤.បន្តពង្រឹងការងារផ្ទៃក្នុងឱ្យបានល្អ គួរមានការបែងចែកតួនាទី និងទំនួលខុសត្រូវច្បាស់លាស់ ចែករំលែកចំណេះដឹង តាមរយៈ អ្នកចាស់បង្រៀនអ្នកថ្មី និងផ្ដល់ឱកាសរៀនសូត្រពីគ្នាទៅវិញទៅមក។ **🌐** [Website](https://moh.gov.kh/kh/home) 📱 [Facebook](https://www.facebook.com/MinistryofHealthofCambodia?mibextid=ZbWKwL) 📱 [Telegram](https://t.me/MOHCambodia) 📱 [X (twitter)](https://x.com/MohCambodia) 📱 [Tiktok](https://www.tiktok.com/@mohcambodia) 📱 [YouTube](https://www.youtube.com/@MOHCambodia)