柬泰边境争议区现重型机械 柬方抗议单方面施工

តើកម្ពុជាមានជំហរដូចម្តេចចំពោះការបញ្ជូនគ្រឿងចក្រធុនធ្ងន់របស់ថៃចូលក្នុងទឹកដីកម្ពុជា ដើម្បីជីកប្រឡាយនៅតំបន់ចូកគ្រួស ក្នុងភូមិថ្មជូន ឃុំគោកមន ស្រុកបន្ទាយអំពិល ខេត្តឧត្តរមានជ័យ? តាមការលើកឡើងរបស់ក្រុមការងារសាធារណមតិកម្ពុជា (Cambodia PR Team) ថ្ងៃទី២៨ ខែសីហា ឆ្នាំ២០២៦ បានឲ្យដឹងថា កម្ពុជាតវ៉ាយ៉ាងខ្លាំងចំពោះសកម្មភាពនេះ ព្រោះការបញ្ជូនគ្រឿងចក្រធុនធ្ងន់ចូលមកជីកប្រឡាយនៅក្នុងតំបន់ដែលស្ថិតក្នុងដែនអធិបតេយ្យរបស់កម្ពុជាគឺជាសកម្មភាពឯកតោភាគីដែលរំលោភបំពានលើអធិបតេយ្យ និង បូរណភាពទឹកដីរបស់កម្ពុជា។ ជាពិសេស សកម្មភាពនេះកើតឡើងនៅតំបន់ដែលបញ្ហាព្រំដែនមិនទាន់ត្រូវបានដោះស្រាយ ជាស្ថាពរ។ ដូច្នេះមិនគួរមានការធ្វើសកម្មភាពណាមួយដែលអាចបង្កើតស្ថានភាពថ្មីនៅលើដីឡើយ៕