德崇国际机场查获570克海洛因 一名马来西亚籍男子被捕

អ្នកដំណើរម៉ាឡេស៊ីម្នាក់ ត្រូវបានឃាត់ខ្លួននៅអាកាសយានដ្ឋានអន្តរជាតិតេជោ.! មន្ត្រីគយនិងរដ្ឋាករ បានត្រួតពិនិត្យ និងរកឃើញសារធាតុញៀននៅក្នុងសម្ភារៈរបស់បុរសអ្នកដំណើរសញ្ជាតិម៉ាឡេស៊ី ១នាក់ ដែលធ្វើដំណើរចាកចេញពីកម្ពុជា ទៅកោះតៃវ៉ាន់ នៅអាកាសយានដ្ឋានអន្តរជាតិតេជោ នៅថ្ងៃទី២ កញ្ញា។ ជាលទ្ធផលនៃការត្រួតពិនិត្យ មន្ត្រីគយនិងរដ្ឋាករបានរកឃើញកញ្ចប់សារធាតុសង្ស័យជាសារធាតុញៀនប្រភេទហេរ៉ូអ៊ីន ចំនួន ៨១ កញ្ចប់តូច មានទម្ងន់សុទ្ធសរុប ៥៧០ ក្រាម ដែលត្រូវបានលាក់ទុកក្នុងសម្ភារៈរបស់អ្នកដំណើរខាងលើ។ មន្ត្រីគយនិងរដ្ឋាករក៏បានប្រគល់ជនសង្ស័យ រួមទាំងវត្ថុតាងពាក់ព័ន្ធ ជូនអង្គភាពនគរបាលជំនាញប្រឆាំងគ្រឿងញៀនដើម្បីគ្រប់គ្រង ថែរក្សា និងចាត់ការតាមនីតិវិធីច្បាប់ ៕