2026年国家就业与生产力博览会将在钻石岛举行

📣 តស់កុំឱ្យរំលង! ជាមួយព្រឹត្តិការណ៍ពិព័រណ៍ជាតិការងារ និងផលិតភាពការងារ ឆ្នាំ២០២៦។ ត្រៀមខ្លួនទាំងអស់គ្នាសម្រាប់ព្រឹត្តិការណ៍ដ៏ធំប្រចាំឆ្នាំ ដែលនឹងប្រមូលផ្តុំសហគ្រាស ក្រុមហ៊ុន និងរោងចក្រជាច្រើន ដើម្បីជ្រើសរើសបុគ្គលិកដោយផ្ទាល់នៅនឹងកន្លែង និងជាឱកាសដ៏ល្អសម្រាប់អ្នកកំពុងស្វែងរកការងារទទួលឱកាសការងារថ្មីៗ។ 🎉 កាន់តែពិសេស ព្រឹត្តិការណ៍នេះក៏នឹងមានរៀបចំសិក្ខាសាលា ក្រោមប្រធានបទ «ជំនាញ និងការងារ៖ ផលិតភាពការងារដើម្បីកំណើនសេដ្ឋកិច្ចប្រកបដោយចីរភាព» ដែលមានការចូលរួមពីវាគ្មិនជំនាញ មកពីវិស័យរដ្ឋ និងឯកជន នឹងធ្វើការពិភាក្សាចែករំលែកចំណេះដឹង និងបទពិសោធន៍ទាក់ទងទៅនឹងការអនុវត្តការងារ ប្រកបដោយប្រសិទ្ធិភាពដើម្បីជំរុញផលិតភាពការងារឱ្យកាន់តែប្រសើឡើង។ 📅 ថ្ងៃទី១៣ ខែកញ្ញា ឆ្នាំ២០២៦ ⏰ ម៉ោង ៨:០០ ព្រឹក ដល់ ១២:០០ ថ្ងៃត្រង់ 📍 មជ្ឈមណ្ឌលសន្និបាត និងពិព័រណ៍កោះពេជ្រ អគារ F 👉 សូមកុំភ្លេចចូលរួមទាំងអស់គ្នាដើម្បីទទួលបានឱកាសការងារ ការពង្រឹងជំនាញ និងចំណេះដឹងថ្មីៗ ដែលអាចជួយជំរុញការអភិវឌ្ឍអាជីព និងផលិតភាពការងាររបស់អ្នក!