警惕

ស្វែងយល់ពីសារៈសំខាន់នៃអត្តសញ្ញាណប័ណ្ណរបស់អ្នកទាំងអស់គ្នា! ជាដំបូងសូមកបកស្រាយដើមហេតុសិន ព្រោះមានការញ៉ុញ៉ុងថា ឱ្យប្រជាពលរដ្ឋយក “អត្តសញ្ញាណប័ណ្ណសញ្ជាតិខ្មែរ” ថតដាក់ជា Profile Facebook កុំអោយគេបិទគណនី Facebook។ វាពិតជាមិនមានព័ត៌មានបែបនោះនោះទេ! បើទោះបីជាមានបងប្អូនក៏មិនត្រូវយកអត្តសញ្ញាណប័ណ្ណបងប្អូនទៅបង្ហោះដោយចំហរព្រោះតែចង់ដូរទៅនឹងគណនីបណ្តាញសង្គមនោះដែរ រឿងនេះមិនអាចនឹងកើតឡើងនោះទេ Facebook ច្បាស់ណាស់នឹងបះជើងត្រឹមតែមួយយប់ទេបើធ្វើបែបនឹង។ ក្នុងអត្តសញ្ញាណប័ណ្ណបងប្អូនមានទិន្ន័យ ឈ្មោះ ភេទ ថ្ងៃខែឆ្នាំកំណើត ទីកន្លែងកំណើត អាសយដ្ឋាន ភិនភាគបុគ្គល លេខសម្គាល់អត្តសញ្ញាណ ប្រសិនបើបងប្អូនបានធ្វើអោយបាត់បង់ព័ត៌មានទាំងនេះ ដោយបើកជំហរ វាប្រៀបដូចជាបងប្អូនបានបាត់បង់ខ្លួនឯងដែរ។ គេអាចយកអត្តសញ្ញាណបងប្អូនទៅធ្វើសកម្មភាពមួយចំនួនដែលមិនចាំបាច់ស្នើរសុំបងប្អូនទេ -ក្លែងអត្តសញ្ញាណជាអ្នក -ចុះឈ្មោះទិញលេខទូរស័ព្ទឈ្មោះអ្នក ប្រើសកម្មភាពឆបោកឬសកម្មភាពផ្សេងៗទៀតដែលខុសនឹងច្បាប់ -ប្រើអត្តសញ្ញាណទៅបំពេញគណនីធនាគារ ឬ គ្រីបតូដើម្បីលាងសម្អាតប្រាក់ បងប្អូននឹងក្លាយទៅជាឧក្រិដ្ឋជនដោយមិនដឹងខ្លួន -បងប្អូនអាចនឹងត្រូវបានជនឆបោកប្រើប្រាស់ព័ត៌មាននេះមកឆបោកបងប្អូនផងដែរ -គេអាចនឹងយកព័ត៌មានទាំងនេះទៅប្រើប្រាស់បច្ចេកវិទ្យា Ai / DeepFake ដើម្បីឆបោក និង សកម្មភាពបទល្មើសផ្សេងៗ -ការរំខាន និង ប៉ះពាល់ដល់អាយុជីវិតបងប្អូន។ នេះមិនមែនជាការបន្លាចទេ វាជាករណីទូទាំងពិភពលោកដែលបច្ចុប្បន្ននេះមានអត្តសញ្ញាណប័ណ្ណ / Passport ជាច្រើនប្រទេសដែលត្រូវបានដាក់លក់លើ Dark Web និង តាមទីផ្សារងងឹតផ្សេងៗទៀតដើម្បីអោយឧក្រិដ្ឋជនទិញយកទៅបម្រើដល់ការឆបោករបស់ខ្លួន ជាពិសេស លាងសម្អាតប្រាក់ និង សកម្មភាពខុសច្បាប់ជាច្រើនទៀត។ សូមប្រយ័ត្នអោយមែនទែន ស្រាប់តែសុខសុខ ឈ្មោះមួយទៅឆែកមើលឃើញមានកុងធនាគារ មានគណនី គ្រីបតូ មានលេខទូរស័ព្ទផ្សេងទៀតដោយមិនដឹងខ្លួន!