银行技术学院招收270名银行与经济专业学生

IBS ជ្រើសរើសនិស្សិត ២៧០រូប សិក្សាជំនាញធនាគារ និងសេដ្ឋកិច្ច ភ្នំពេញ៖ វិទ្យាស្ថានសិក្សាបច្ចេកទេសធនាគារ (IBS) នៃធនាគារជាតិនៃកម្ពុជា ប្រកាសរៀបចំការប្រឡងជ្រើសរើសសិស្ស និស្សិត និងបុគ្គលិកធនាគារជាតិនៃកម្ពុជា ចំនួន២៧០រូប សិក្សាជំនាញគ្រប់គ្រងធនាគារ និងជំនាញសេដ្ឋកិច្ច សម្រាប់ឆ្នាំសិក្សា ២០២៦-២០២៧។ IBS គឺជាវិទ្យាស្ថានសិក្សាបច្ចេកទេសធនាគារ ដែលផ្តោតលើការបណ្តុះបណ្តាលធនធានមនុស្សក្នុងវិស័យធនាគារ សេដ្ឋកិច្ច និងហិរញ្ញវត្ថុ។ ចំពោះលក្ខខណ្ឌចុះឈ្មោះ បេក្ខជនជាសិស្ស និងនិស្សិត ត្រូវមានសញ្ញាបត្រមធ្យមសិក្សាទុតិយភូមិ ឬសញ្ញាបត្រដែលមានតម្លៃស្មើ។ ចំណែកបុគ្គលិកធនាគារជាតិនៃកម្ពុជា ត្រូវមានបទពិសោធការងារយ៉ាងតិច២ឆ្នាំ។ ការចុះឈ្មោះប្រឡងត្រូវធ្វើតាមរយៈតំណភ្ជាប់ https://ibs.edu.kh/admission ឬទាក់ទងតាមលេខទូរសព្ទ ០២៣ ៩៩០ ១៨៩, ០១៥ ៦៩១ ៦១៦, ០៧០ ៥៦៥ ៦៦៦, ០១៦ ៦០៦ ៤១៥៕